XIX əsr Azərbaycan
poeziyasının məşhurları
Dövrünün istedadlı qələm sahibləri
XIX əsr Azərbaycan poeziyası bir çox maraqlı imzalarla zəngindir. Belə qələm sahiblərindən bəzilərinin
irsi ətraflı araşdırılıb, bəziləri
haqqında geniş olmasa da, ümumi
məlumatlar var, müəyyən müəlliflərin
yaradıcılığı isə hələ də tədqiqatçıların
yolunu gözləyir.
Bu mövzuda belə şairlərdən
bir neçəsi haqqında söz açacaq və onların yaradıcılığından
nümunələr verəcəyik.
Dövrünün tanınmış
belə qələm sahiblərindən biri də Kazım ağa Salikdir. O, Azərbaycan ədəbiyyatında
həm klassik poeziya üslubunu, Füzuli ənənələrini,
həm də Vaqif ədəbi məktəbini davam və inkişaf etdirən istedadlı şair olub.
Kazım ağa Salik 1781-ci ildə Qazax mahalının Şıxlı
kəndində anadan olmuş, ilk təhsilini də burada almışdır. O, ilk təlim
və tərbiyəsini
də orada almışdır. Uşaqlıq
illərindən yaşadığı
mühitdə dərin
hörmət qazanan şair gənclik illərini də fərəhli və şən keçirmiş,
heç bir maddi sıxıntı görməmişdir.
Qardaşı Mustafa ağa Arifin, az sonra qızı
Xeyrannisənin, daha sonra isə yaxın dostu və həmdəmi Yəhya bəyin ölümü ona çox pis təsir etmiş, səhhətində problemlər
yaranmışdır.
Kazım ağa Salik 1842-ci ildə vəfat etmişdir. Əsərləri
20 cildlik “Azərbaycan
Klassik Ədəbiyyatı
Kitabxanası”nın VIII cildinə
(1988) salınmışdır.
Yenə bır mahlıqa şolə salıb bag içrə,
Sanki tavusi-çəmən çətr
vurub zağ içrə.
Demə, bu bağə
yaraşmaz bu kəmalü bu cəmal,
Mədəni-zər tapılır, gər arasan, dağ içrə.
Zülfu xab görünür
ruyi-səmən üzrə
nə xoş,
Nə əcəb, türfə düşüb
rəngi-qarə ağ
içrə.
Yandı canım, bədən içrə şəbi-hicrində bunun,
Necə kim şəm
yanar hər gecələr yağ içrə.
Baxma, Salik, qocalıbsan,
gözələ, fikr
elə kim,
Kim qoyar ruzi-bəhadə aruği çağ içrə.
Mirzə Baxış Nadim isə dövrünün tənqidi-satirik üslubda
yazan görkəmli nümayəndələrindən biridir.
O, 1785-ci ildə Navahıda doğulmuşdur.
Atası Molla Əsədulla dövrünün
gözüaçıq, savadlı
adamlarından olmuşdur.
Şair ilk təhsilini
ailədə atasından
almış, sonra Şamaxıya gedərək
mədrəsədə oxumuş,
fars və ərəb dillərini oyrənmişdir. Nadim
1878-ci ildə Navahıda
vəfat etmişdir. Əsərlərindən nümunələr
20 cildlik “Azərbaycan
Klassik Ədəbiyyatı
Kitabxanası ”nın
VIII cildindən (1988) götürülmüşdür.
Neyləmişdim, yarəb, həqq dərgəhində,
Xəstə olub müdam,
cahanə düşdüm.
Yazıldı naməmiz ölkəbəölkə,
Yetişdi dillərə, dastanə düşdüm.
Can qurban eylərəm görsəm dustimə,
Durubdurlar o zalımlar qəsdimə,
Yengi gəlmiş idi təbib üstümə,
Qədəm basdı geri, dərmanə düşdüm.
Heyran xanım
Heyran xanım
Azərbaycanın görkəmli
qadın şairlərindən
biridir. O, XVIII əsrin
sonlarında Naxçıvan
şəhərində anadan
olmuşdur. Əsərlərindən
məlum olur ki, şairənin əsli Cənubi Azərbaycanda məşhur
olan Dünbüli tayfasındandır. Rusiya-Iran müharibəsində
(1826-1828-ci illər) məğlubiyyətə
uğrayan şah qoşunları geri çəkilərkən yolüstü
yaşayış yerlərinin
əhalisini də Irana köçməyə
məcbur etmişlər.
Köçürülən əhali içərisində
Heyran xanım və onun ailəsi
də var idi.
Beləliklə, şairə gənc yaşlarında doğma yurddan ayrılmış, ömrünün axırına
qədər Cənubi
Azərbaycanda, Təbrizdə
yaşamışdır.
Heyran xanım
fars dilində yüksək təhsil almış, şərqin
Firdovsi, Sədi, Hafiz,
Nizami, Füzuli kimi klassiklərin yaradıcılığını oxuyub öyrənmişdir.
Onun şeirlərində
Azərbaycan sənətkarlarından
Həsənoğlu, Nəsimi
və Füzulinin təsiri aşkar duyulur. Şairənin bir sıra qəzəlləri
dahi Füzuliyə nəzirə şəklində
yazılmışdır.
Lakin şairənin
orijinal şeirləri
daha çoxdur. Belə şeirlərində
o, bir tərəfdən
Eşqi tərənnüm
edir, digər tərəfdən isə zəmanəsinin zülmündən
bəhs edərək,
dövranın möhnətindən,
fələyin gərdişindən
acı-acı şikayətlənir.
Heyran xanımın əsərləri nikbin pafosu, tərənnümün
səmimiliyi, dilinin sadəliyi və aydınlığına görə
XIX əsr Azərbaycan
ədəbiyyatında xüsusi
yer tutur. Onun əsərləri də 20 cildlik “Azərbaycan I Klassik Ədəbiyyatı Kitabxanası”nın
VIII cildinə (1988) salınmışdır.
Aşağıdakı qəzəl
də həmin kitabdandır:
Olubdu qəm yatağı, şad gördüyün könlüm
Dağıldı qüssədən, abad gördüyün könlüm.
Diyari-qəmdə giriftarü dəstgir oldu,
Kəməndi-firqətə, azad gördüyün
könlüm. -
Fəraq dərdinə axtardı, tapmadı çarə,
Cəmii hikmətə ustad gördüyün könlüm.
Səriri-vəsldə Xosrovsifət oturmuşdu,
Olubdu kuhdə Fərhad, gördüyün
könlüm.
Zikri Ərdəbili və Fazil xan
Şeyda
Zikri Ərdəbili
XIX əsr Azərbaycan
poeziyasının istedadlı
nümayəndələrindən biri olub. O, hicri
tarixinin 1205-ci (miladi
1790-cı) ildə anadan
olmuşdur. Zikrinin əsl adı Ibrahim, atasının adı Həsəndir. O, şairlik
sənətini ustadı
Fikridən öyrənmişdir.
Lirik şair olan Zikrinin şeirlərində
ictimai motivlər və vətənpərvərlik,
saf məhəbbət
hisslərinin tərənnümü
qüvvətlidir. Onun
bir sıra qəzəlləri vaxtı
ilə dillər əzbəri olmuş xanəndələr tərəfindən
oxunmuşdur. Onun əsərləri də
20 cildlik “Azərbaycan
I Klassik Ədəbiyyatı
Kitabxanası”nın VIII cildinə
(1988) salınmışdır. Aşağıdakı qəzəl
də həmin kitabdandır:
Ey səba, bu ərzimi ərz etgilən cananıma,
Bəlkə dərman eyləyə bu dərdi-bidərmanıma.
Gərçi bu çərxi-fələk
səndən məni qıldı cüda,
Barı sən, ey bivəfa, hərdəm nolur, gəl yanıma.
Bilməzəm hərdəm neçin qanım tökər canan yerə,
Hiç rəhm etməz mənim bu dideyi-giryanıma.
Fazil xan
Şeyda XVIII əsrin
sonlarında Təbrizdə
mühəndis ailəsində
doğulub, anadan olduğu il məlum deyil. Əsl adı Molla Fətulladır, Təbrizdə mükəmməl
ruhani təhsili almışdır. Şeirlərində
yüksək vəzifəli
adamları tənqid etdiyinə görə dövlət məmurları
və ruhanilərin təqiblərinə məruz
qalmışdır. Buna görə
də, 1838-ci ildə Iranı tərk edərək Tiflisə gəlmiş və Rusiya təbəəliyinə
keçmişdir. Fazil
xan 1846-cı ildə Qafqaz canişinliyində dəftərxana müdiri,
1847-ci ildə isə Tiflisdə yeni açılmış şiə
məktəbinə müəllim
təyin edilmişdir.
O, Tiflisdə yaşadığı
zaman “Divani-hikmət” ədəbi məclisinin yığıncaqlarında iştirak
etmişdir. Şair
1852-ci ildə Tiflisdə
ölmüş və
şəhərin müsəlman
qəbristanlığında dəfn olunmuşdur.
Fazil xan
Şeydanın həyat
və fəaliyyəti
ətraflı öyrənilmədiyi
kimi əsərləri
də tam halda əldə edilməmişdir.
Burada verilən məlumat və nümunələr “Yazıçı”
nəşriyyatının çap
etdiyi “Poetik məclislər” (1987) kitabından
götürülmüşdür.
Fələk heç kimsəni, yarəb, nigəran eyləməsin,
Heç kimi mayili-bir
sərvi-rəvan eyləməsin,
Eşq canına salıb, afəti-can eyləməsin,
Onu dildən-dilə məşhuri-cahan eyləməsin,
Açılan qönçə kimin ömrü xəzan eyləməsin.
Mənə cövrü sitəm etməkdə fələk qoymadı kəm,
Necə Yusif kimi
zindanə salıbdır
möhkəm,
Istəməm bir kəsə
izhar eləyim möhnətü qəm,
Yoxdur aləmdə dəxi bir belə
yari-möhkəm
Ki, nihan sözlərimi
xəlqə bəyan eyləməsin.
Həyatı və yaradıcılığı
haqqında söz açdığımız şairlər
həmin dövrün
tanınmış qələm
sahiblərinin bir hissəsidir. O dövrün
yaradıcılığı maraqlı araşdırma mövzusu ola bilən onlarla şair isə tədqiqatçıların yolunu
gözləyir.
“Azadlıq”ın Araşdırmaçı
Jurnalistlər Qrupu
KİV-ə Dövlət Dəstəyi
Fondunun maliyyə dəstəyilə çap
edilir
Azadlıq.-
2013.- 20 iyun.- S.14.