Neftçalada Türk zabitlərinin
yazdığı dastan...
Qanlı illərdən qalan izlər
Məlum olduğu kimi, 1918-ci ildə Azərbaycanda baş verən qanlı hadisələr zamanı bu yerlərə qardaş köməyinə gələn minlərlə türk əsgəri şəhid olmuşdur. Həmin şəhidlərdən 9 nəfərinin məzarı da Neftçala rayonunun Seyidlər kəndinin qəbristanlığındadır.
Burada Qafqaz İslam Ordusunun
döyüşçüləri olan
şəhid türk zabitləri uyuyur. Onların adları indiyədək kimsəyə
məlum olmasa da, burada göstərdikləri qəhrəmanlıqlara
tarix şahiddir. Məzarların
üzərində ay-ulduz təsvirli sənduqə
və onun yanında yeni
inşa olunan kompleks də türk qəhrəmanlarının
bu torpaqlarda
yazdıqları tarixdən xəbər verir.
Tarixi mənbələrdə yazılanlardan məlum olur ki, 1918-ci il iyun ayında bura 2000 nəfərlik hərbi qüvvə,
12 pulemyot, 6 top, 2 hərbi
və 1 nəqliyyat gəmisindən ibarət erməni-rus hərbi birləşmələri yeridilmişdi. Ordunun tərkibi 200 nəfər gəlmə
rusdan, 300 nəfər, 1500 nəfər ermənidən
ibarət idi, qalan 4000
nəfər isə yerli ruslardan
və yerli hümmətçilərdən
ibarət təşkil olunmuşdu. Daşnak-bolşevik birləşmələri
Xəzər dənizindən Kür çayı
vasitəsi ilə Azərbaycanın içərilərinə
doğru irəliləməklə, strateji mənafelərdən
çıxış edirdilər. Hərbi-strateji
məqsəd bir tərəfdən Yevlax körpüsünün
məhv edilməsi, bununla da
Gəncə və Bakı arasındakı əlaqələrin
kəsilməsi, digər tərəfdən isə Muğanın
bol taxıl ehtiyatına yiyələnməklə
işğalçı qvardiyanı çörəklə təmin
etmək idi. Buradakı ilk
qanlı döyüşlər Salyan ətrafında
-Qaraqaşlıda baş vermişdi.
Qaraqaşlı Xəzərdən Kür boyuunca Salyana qədər olan sonuncu məntəqədir.
Bunu hesaba alsaq, onda faciənin
miqyası, törədilmiş genosidin əhatə
dairəsi xeyli sarsıdıcıdır. Kür çayına daxil
olma planı əsasında erməni hərbi
birləşmələri Bankə- Seyidlər -Uzunbabalı-Tatarməhlə
-Xıllı-Abasallı- Qaralı - Qəzvinli -Qarabucaq-Surra- Ərəbbəbirxanlı -Cəngən-Qaraqaşlıya
qədər hərəkət etmişdilər. Silahlı
qaniçənlərlə silahsız yerli
əhalinin təkbətək qaldığı ərazilərin
adları bunlardır. 1918-ci ilin 27-28 iyununda Surra ilə Qarabucaq arasında çox
şiddətli döyüşlər baş
vermişdi. Qeyri-bərabər qüvvələrin
təmsil olunduğu həmin bu döyüşdə Türk-Azərbaycan hərbi
birləşməsi geri çəkilməyə
məcbur olmuşdu. Eyni
zamanda, bu
döyüşdə erməniləri Kür
çayından hərbi gəmilər müşayiət edirdi. Surra-Qarabucaq məğlubiyyətindən
sonra Qafqaz İslam Ordusundan bura əlavə qüvvələr cəlb edildi: bir piyada
bölüyü, bir pulemyot taqımı və bir
dağ topu. Qaraqaşlıda
mövqe tutan türk bölməsinin tərkibi 40 əsgərdən,
2 Maksim pulemyotundan və
2 topdan ibarət idi. Avqustun əvvəlində Bankəni tərk edən
türklər burada silahlı bir bölüyün
saxlanılmasını məqsədə müvafiq
bilmişdilər. Türk-Azərbaycan hərbi birləşmələri
Bankədəki döyüşdə 11 nəfər itki verdilər
Igid ölər, adı qalar...
Ümumiyyətlə,
o tarixlərdə Azərbaycan ərazisində
şəhid olan türk
zabitlərinə heç bir
kitabəli məzar daşının qoyulmaması bugünkü araşdırmaları xeyli çətinləşdirir. Tədqiqatçı,
filoloq Azər Turan Qafqaz İslam ordusunun Neftçaladakı qəhrəmanlıq
tarixini araşdıraraq, onlar
haqqında məlumatları üzə
çıxarmışdır. Tədqiqatçının
sözlərincə desək, bu məzarlar
Azərbaycana qəlblərində böyük
sevgi və yenilməz sərkərdə
Ənvər Paşanın xeyir-duası ilə gələn türk əsgərlərinin əbədi uyuduğu yerlərdir.
Əsrlər boyu yadelli
işğalçıların hücumuna
məruz qalan bu torpaqlar 1918-ci ilin
yazında yenidən bolşevik və daşnak silahlı dəstələri tərəfindən
qanlı bir savaş
meydanına çevrildi. Bakıda və qəzalarda
dinc əhaliyə qarşı dəhşətli
soyqırımlar törədildi. Bolşevik
maskası geymiş, qatı daşnak Stepan Şaumyan ordu quruculuğu işində anti-müsəlman
mövqeyində idi. Birinci
Dünya müharibəsi illərində Qafqaz cəbhəsinin müxtəlif bölgələrindən
Bakıya minlərlə silahlı erməni əsgərləri
gəlmişdi. Elə buna görə də,
Sovet ÿordusunun rəhbər
zabit kadrlarının əksəriyyəti erməni zabitləri idi.
Stepan Şaumyan çıxışlarında
yaxın vaxtlarda şiddətli
döyüşlərin başlanacağına işarə edirdi. Martın ortalarında o,
çəkinmədən bildirmişdi ki, Bakı Soveti Zaqafqaziyada vətəndaş müharibəsinin
başlıca mərkəzinə çevrilməlidir. O qəsdən
müsəlmanların soyqırımını vətəndaş
müharibəsi kimi qələmə verir, faciənin əsl mahiyyətini təhrif edirdi. Onun rəhbərliyi
ilə Azərbaycanın
bir çox şəhər
və mahallarında kütləvi qırğınlar törədilmişdi.
Bu zaman türk
qoşunlarının köməyi, onların
torpağımızda qəhrəmancasına döyüşərək
şəhid olmuş oğullarının
al qanı bahasına xalqımız erməni
quldurlarının və yenicə qurulmaqda
olan Sovet hökumətinin
genosidindən xilas olmuşdu.
Qafqaz İslam Ordusunun 11 döyüşçüsü
1918-ci il mart hadisələri zamanı Türkiyənin
hərbi naziri Ənvər Paşa Qafqaz İslam Ordusunun yaradılması haqqında əmr verdi. 1918-ci il aprelin 21-də isə Cavad qəzasının
Salyan şəhərində Sovet hakimiyyəti elan olundu. Bundan sonra Salyan və Neftçala ətrafında
erməni daşnaklarının və bolşeviklərin əlbirliyi ilə
qırğın törədildi. Bu soyqırım
planına Qırmızı Qvardiyanın III və V
taborları rəhbərlik etdi. Belə ki, Salyandakı
III tabora Ter-Avakimov,
Neftçaladakı V tabora Danilyan
başçılıq edirdi. Kür çayı sahillərində böyük qırğınlar baş verdi. Xəzər dənizindən
Kür çayı vasitəsi ilə Azərbaycanın
içərisinə doğru irəliləməklə
daşnak-bolşevik koalisiyası
geosiyası hərbi strateji mənafeləri
göz altına almaq
istəyirdi. Muğanın taxıl ehtiyatına yiyələnməklə
daşnak-bolşevik-qırmızı qvardiyasını
çörəklə təmin etmək Bakı komissarları
sovetinin rəhbəri Stepan
Şaumyanın qeyd etdiyimiz
kimi hərbi strateji məqsədi
olmuşdur.
Mənbələrə
əsasən türk-azərbaycanlı hərbi dəstələri
Neftçala ərazisindəki bu son döyüşdən
11 nəfər itki və eyni
zamanda qələbə ilə
çıxdı. Görünür bu naməlum məzarlarda yatan
11 şəhidin adlarının indiyə kimi
gizli qalması da o vaxtkı
hakim imperiyanın xofunun
nəticəsi idi. Elə savaş
başa çatdıqdan sonra
da bir bölüyün
saxlanması ilə 1918-ci ilin iyulun sonlarında türk
orduları Neftçala ərazisini tərk
etmişdir.
Türk ordusunun Qaraqaşlıdakı 40 nəfərlik
bölməsinə rəhbərlik edən türk
zabiti Ramazan bəyin
5-ci Qafqaz Firqəsi
komandanlığına göndərdiyi sənədə əsasən
Bankədəki döyüşdə “ikisi
milis (Azərbaycanlı könüllü)
olmaq üzrə 11 şəhid” verilmişdir. 1918-ci ildə Bankə qəsəbəsi
yaxınlığındakı 1-ci Mayak kəndində
balıq vətəgəsində fəhlə işləyən
Usub Məmmədovun söylədiyinə
görə də “türklər on bir şəhid veriblər”. Seyidlər
qəbiristanlığındakı məzarlarda isə 10 nəfərin
uyuduğu bir
faktdır. Çünki Ramazan
bəyin 5-ci Qafqaz Firqəsi
komandanlığına verdiyi raportdan da göründüyü
kimi, həmin
11 nəfərdən ikisi azərbaycanlı
könüllülər idi. Şahid insanları dediklərindən
aydın olur ki, o iki nəfərdən birini, 18 yaşı olan
şəhidi 1918-ci ildə burda deyil, aparıb öz doğma kəndlərində - Çuxanlıda
dəfn ediblərmiş.
“Azadlıq”ın Araşdırmaçı Jurnalistlər Qrupu KİV-ə Dövlət Dəstəyi Fondunun maliyyə dəstəyilə çap edilir
Azadlıq.- 2013.- 12 noyabr.- S.14.