Azərbaycan Respublikasının Prezidenti İlham Əliyev Polşa Respublikasının ölkəmizdəki səfirliyində olmuşdur

Azərbaycan Respublikasının Prezidenti İlham Əliyev aprelin 12-də Polşa Respublikasının ölkəmizdəki səfirliyində olmuşdur.

Dövlətimizin başçısı Polşa Respublikasının Prezidenti Lex Kaçinskinin və xanımı Mariya Kaçinskanın, Polşa Prezidenti Administrasiyasının məsul işçilərinin, Senat və Seym üzvlərinin, Polşa ordusunun yüksək rütbəli zabitlərinin təyyarə qəzasında faciəli surətdə həlak olması ilə əlaqədar başsağlığı vermiş, matəm kitabına ürək sözlərini yazmışdır.

AzərTAc

Azərbaycan.- 2010.- 13 aprel.- S. 1.