"Arşın mal alan" Malayziya radiosunda
Ölkəmizin Malayziyadakı səfirliyindən
bildirmişlər ki, burada Azərbaycanın tarix və mədəniyyətinin
təbliğ edilməsi
istiqamətində daha
bir addım atılmışdır.
Azərbaycan Respublikasının
Malayziyadakı səfirliyinin
Malayziya Dövlət
Radio və Televiziyası
(RTM) ilə apardığı
danışıqlar nəticəsində
aprelin 16-da Malayziya Dövlət Radiosunun Çin dilli "AİFm" radio kanalının
ən çox dinlənən axşam verilişində 1959-cu ildə
Üzeyir Hacıbəylinin
Pekin şəhərində
Çin dilində səhnələşdirilmiş "Arşın mal alan" musiqili komediyasından parçalar yayımlanmışdır.
Veriliş zamanı
Azərbaycanda, eləcə
də Şərqdə
musiqili komediya janrının yaradıcısı
Ü.Hacıbəylinin həyat
və yaradıcılığından
bəhs edilmiş, onun ən məşhur
musiqili komediya əsəri olan "Arşın mal alan"
haqqında dinləyicilərə
geniş məlumat verilmişdir.
AzərTAc
Azərbaycan.- 2010.- 21 aprel.- S. 8.