“Mərkəzi icra hakimiyyəti orqanlarının Nümunəvi Strukturu”nun təsdiq edilməsi və Azərbaycan Respublikası Prezidentinin 2006-cı il 13 fevral tarixli 363 nömrəli Fərmanı ilə təsdiq edilmiş “Mərkəzi icra hakimiyyəti orqanlarının Nümunəvi Əsasnaməsi”nə dəyişiklik və əlavələr edilməsi haqqında” Azərbaycan Respublikası Prezidentinin 2007-ci il 28 sentyabr tarixli 632 nömrəli Fərmanına əlavə edilməsi barədə Azərbaycan Respublikası Prezidentinin Fərmanı

“Mərkəzi icra hakimiyyəti orqanlarının Nümunəvi Strukturu”nun təsdiq edilməsi və Azərbaycan Respublikası Prezidentinin 2006-cı il 13 fevral tarixli 363 nömrəli Fərmanı ilə təsdiq edilmiş “Mərkəzi icra hakimiyyəti orqanlarının Nümunəvi Əsasnaməsi”nə dəyişiklik və əlavələr edilməsi haqqında” Azərbaycan Respublikası Prezidentinin 2007-ci il 28 sentyabr tarixli 632 nömrəli Fərmanına (Azərbaycan Respublikasının Qanunvericilik Toplusu, 2007-ci il, №9, maddə 870) aşağıdakı məzmunda 1-1-ci bənd əlavə edilsin:

“1-1. Qulluq keçmələri “Dövlət qulluğu haqqında” Azərbaycan Respublikasının Qanunu ilə dövlət qulluğunun xüsusi növünə aid edilən və Azərbaycan Respublikasının müvafiq qanunları ilə tənzimlənən mərkəzi icra hakimiyyəti orqanlarının strukturlarında bu Fərmanın 1-ci bəndi ilə təsdiq edilən Nümunəvi Strukturda müəyyən edilənlərlə yanaşı digər struktur bölmələr və qurumlar nəzərdə tutula bilər.”.

İlham Əliyev,

Azərbaycan Respublikasının Prezidenti

Bakı şəhəri, 19 aprel 2010-cu il.

Azərbaycan.- 2010.- 20 aprel.- S. 2.