Türkiyənin xarici işlər naziri Azərbaycanda səfərdədir

Türkiyənin xarici işlər naziri Əhməd Davudoğlu aprelin 19-da Azərbaycana səfərə gəlmişdir.

Bakıya səfəri çərçivəsində türkiyəli nazir Vaşinqtonda aparılmış danışıqları, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri Azərbaycan rəsmiləri ilə müzakirə edəcək, sonrakı addımlar barədə məsləhətləşmələr aparacaqdır.

Heydər Əliyev adına Beynəlxalq Hava Limanında jurnalistlərə açıqlama verən Ə.Davudoğlu Türkiyənin hər zaman Azərbaycan ilə birlikdə olduğunu vurğulamışdır.

Türkiyəli nazir Bakıda keçirəcəyi görüşlərdən sonra azərbaycanlı həmkarı Elmar Məmmədyarov ilə birgə açıqlama verəcəyini də demişdir.

Qeyd edək ki, Türkiyənin xarici siyasət idarəsinin rəhbəri ilə yanaşı, onun müavini Firudin Sinirlioğlu da Azərbaycana gəlmişdir.

AzərTAc

Azərbaycan.- 2010.- 20 aprel.- S. 1.