Azərbaycan Respublikasının Elm, Mədəniyyət və Ədəbiyyat üzrə Dövlət Mükafatları Komissiyasının məlumatı

Komissiya bildirir ki, elm, mədəniyyət və ədəbiyyat üzrə 2010-cu ilin dövlət mükafatlarına aşağıdakı işlər təqdim olunmuşdur:

Elm sahəsi üzrə

1. Telman Əliyev - "Defektlərin yaranmasının gizli dövrünün küylərin analizi əsasında rəqəmli monitorinqi nəzəriyyəsi və texnologiyası".

Azərbaycan Milli Elmlər Akademiyasının Kibernetika İnstitutu təqdim etmişdir.

2. Həsən Feyziyev - "Suyun yumşaldılmasının, şirinləşdirilməsinin və duzsuzlaşdırılmasının yüksək effektivli metodları".

Azərbaycan Memarlıq və İnşaat Universiteti təqdim etmişdir.

3. Teymur Bunyadov, Qəzənfər Rəcəbli, Tofiq Babayev, Fəzail Vəliyev, Bəhlul Abdulla - "Azərbaycan Etnoqrafiyası" (üçcildlik).

Azərbaycan Milli Elmlər Akademiyasının Arxeologiya və Etnoqrafiya İnstitutu təqdim etmişdir.

4. Qərib Məmmədov, Budaq Budaqov, Mahmud Xəlilov, Sara Məmmədova - "Azərbaycan Respublikasının Ekoloji Atlası".

Azərbaycan Milli Elmlər Akademiyasının Coğrafiya İnstitutu təqdim etmişdir.

5. Tofiq Hüseynov - "Azərbaycanda investisiyalar: gəlirlər, investisiyalar, sənayeləşdirmə, məşğulluq".

Azərbaycan Milli Elmlər Akademiyasının İqtisadiyyat İnstitutu təqdim etmişdir.

6. Adil Əliyev, Elmira Əliyeva, Fərid Dadaşov, Əkbər Feyzullayev, İbrahim Quliyev - "Cənubi Xəzər hövzəsinin palçıq vulkanizmi və neft-qazlılığı".

Azərbaycan Milli Elmlər Akademiyasının Geologiya İnstitutu təqdim etmişdir.

7. Azad Mirzəcanzadə, Abel Məhərrəmov, Rövnəq Abdullayev, Xoşbəxt Yusifzadə, Eldar Şahbazov, Rəhman Qurbanov, Səbuhi Əhmədov, Məmmədəli Ramazanov, Şəbiyar Şəfiyev, Elçin Kazımov - "Neft sənayesində nanotexnologiya (fundamental elmi araşdırma, ixtira və tətbiq)".

Bakı Dövlət Universiteti təqdim etmişdir.

Mədəniyyət sahəsi üzrə

1. Ramiz Zöhrabov, Rəhilə Səfərəliyeva, Fərid Kərimov, Hikmət Hüseynov, Mənsum İbrahimov, Taleh Babayev, Eldar Mansurov, Ağaxan Abdullayev, Sehmur Quliyev, Məcnun Kərim, Səhraf Mustafayev, Eldar Əliyev - "Azərbaycan muğamı" interaktiv audiovizual multimedia toplusu.

Azərbaycan Teatr Xadimləri İttifaqı təqdim etmişdir.

2. Alim Qasımovun ifaçılıq fəaliyyəti.

Azərbaycan Respublikasının Mədəniyyət və Turizm Nazirliyi təqdim etmişdir.

Ədəbiyyat sahəsi üzrə

1. Bəkir Nəbiyev, Məhərrəm Qasımlı, Teymur Kərimov, Vilayət Quliyev, Nikpur Cabbarlı, Nizaməddin Şəmsizadə - "Heydər Əliyev və Azərbaycan ədəbiyyatı".

Azərbaycan Milli Elmlər Akademiyasının Ədəbiyyat İnstitutu və Azərbaycan Yazıçılar Birliyi təqdim etmişdir.

2. Gülxani Pənah (Şükürova) - "Mir Cəlalın elmi-nəzəri görüşləri".

Azərbaycan Milli Elmlər Akademiyasının Folklor İnstitutu təqdim etmişdir.

3. Kamal Abdulla (Abdullayev) - "Yarımçıq əlyazma" (roman).

Azərbaycan Yaradıcılıq Fondu təqdim etmişdir.

Dövlət mükafatlarına irəli sürülmüş işlərlə ictimaiyyətin geniş tanış olması və müvafiq rəylərin bildirilməsi məqsədi ilə idarə və təşkilatlardan, ictimai və yaradıcı birliklərdən xahiş olunur ki, yuxarıda göstərilən işlərin müzakirəsini təşkil etsinlər.

Komissiyanın ünvanı: Bakı şəhəri, Lermontov küçəsi, 68

Azərbaycan Respublikasının Nazirlər Kabineti

Azərbaycan.- 2010.- 28 aprel.- S. 7.