Amerikada Azərbaycan muğamı səslənir
Kaliforniyada Azərbaycan muğam ustalarının konserti böyük uğurla keçir. Azərbaycanın Los-Ancelesdəki
baş konsulluğunun
və "Azərbaycan
İnternəşnl" jurnalının
birgə təşkil
etdikləri konsertlər
San-Diyeqoda və Los-Ancelesdə hərarətlə
qarşılanmışdır.
Azərbaycan Milli Konservatoriyasının rektoru
Siyavuş Kəriminin
rəhbərliyi ilə
tanınmış musiqiçilər
Azərbaycan musiqi ənənələrinin zənginliyini
nümayiş etdirən
proqramla çıxış
etmişlər. Qrupa xalq artistləri Aygün Bayramova, Mənsum İbrahimov, habelə əməkdar artistlər Elçin Həşimov, Elnur Əhmədov və Kamran Kərimov daxildirlər.
Amerika tamaşaçıları
Aygün Bayramova və Mənsum İbrahimovun ifasında
"Qarabağ şikəstəsi"ni və "Sarı gəlin" mahnısını sürəkli
alqışlarla qarşılamışlar.
Siyavuş Kəriminin
royalda, Elçin Həşimovun tarda, Elnur Əhmədovun kamançada və Kamran Kərimovun nağarada virtuoz ifaları dinləyiciləri
heyran etmişdir.
San-Diyeqoda təqdim edilən konsert proqramı Bakının Nəsimi rayonu ilə qardaşlıq münasibətlərinin qurulması
üzrə təşəbbüs
qrupunun üzvü Martin Kruminqin köməyi ilə təşkil olunmuşdur.
Azərbaycan musiqiçilərinin
San-Diyeqoda növbəti
konserti dekabrın
23-də baş tutacaqdır.
AzərTAc
Azərbaycan.- 2010.- 22 dekabr.- S. 6.