Türkdilli Ölkələrin
Media Forumu başa çatmışdır
Türkiyə Mətbuat, Yayın və İnformasiya Baş İdarəsi və Xarici İşlər Nazirliyi Strateji Araşdırmalar Mərkəzinin
təşkilatçılığı ilə Ankarada Türkdilli Ölkələrin
Media Forumu dekabrın 22-də öz işini davam etdirmişdir.
Forumun "Türk dünyasında media" mövzusunda iclasında çıxış
edən Azərbaycan Mətbuat Şurasının
sədri Əflatun Amaşov bildirmişdir ki, Türkiyə və Azərbaycan mətbuatı arasında əlaqələrin kökü
ilk mətbu nəşrin - "Əkinçi"
qəzetinin çıxdığı
XIX əsrin sonuna uzanır. Bu qəzetin şriftləri İstanbuldan gətirilirdi
və mənbələrin
əksəriyyəti Osmanlıya
aid idi. Hazırda iki qardaş ölkənin mətbuat orqanları və jurnalist təşkilatları arasında
sıx əməkdaşlıq
mövcuddur.
Ölkəmizdə 4 mindən
çox kütləvi
informasiya vasitəsi dövlət qeydiyyatından
keçmişdir. Onların
əksəriyyəti qəzet
və jurnal, 30-dan çox informasiya agentliyi, 44 elektron kütləvi informasiya vasitəsidir. Hazırda 8 respublika, 14 yerli
televiziya kanalı, 12 kabel televiziyası və 11 radiostansiya fəaliyyət göstərir.
Çoxlu sayda jurnalist təşkilatlarını
və ictimai birlikləri də buna əlavə etmək olar. 1998-ci ildən Azərbaycanda mətbuat üzərində
olan senzura ləğv olunmuş, milli mediamızın qanunvericilik bazası yaradılmışdır. Beynəlxalq və yerli ekspertlərin iştirakı ilə hazırlanmış və
2005-ci ildə qəbul
edilmiş "İnformasiya
əldə etmək haqqında" qanun hər kəsin sərbəst, maneəsiz,
bərabər şərtlərlə
informasiya əldə etməsinə hüquqi təminat yaratmışdır.
Bu sahədə ən mühüm tədbir isə 2008-ci ildə Azərbaycan Prezidentinin imzaladığı
"Azərbaycan Respublikasında
kütləvi informasiya
vasitərələinin inkişafına
dövlət dəstəyi
Konsepsiyası"dır.
Bu konsepsiya əsasında yaradılmış
Prezident yanında Kütləvi İnformasiya
Vasitələrinin İnkişafına
Dövlət Dəstəyi
Fondu jurnalistlərin və mətbuat orqanlarının fəaliyyətini
təkmilləşdirmək üçün yeni layihələr həyata keçirir.
Forumda çıxış
edən Anadolu Agentliyinin baş direktoru Hilmi Bengi son illər
Türkdilli Xəbər
Agentlikləri Birliyinin
fəaliyyətinin gücləndirilməsi
istiqamətində görülən
işlərdən bəhs
etmişdir. Hazırda
AzərTAc-ın sədrlik
etdiyi bu təşkilat türk dünyası jurnalistlərinin
əməkdaşlığı üçün örnək
ola bilər.
Qazaxıstan, Qırğızıstan,
Türkmənistan və
Şimali Kiprdən gəlmiş jurnalist təşkilatları və
mətbuat orqanlarının
rəhbərləri də
ölkələrində medianın
vəziyyətindən bəhs
etmişlər.
Forumun sonunda Yekun Bəyannanməsi qəbul olunmuşdur.
AzərTAc
Azərbaycan.- 2010.- 23 dekabr.- S. 2.