Kiyevdə Dünya Azərbaycanlılarının Həmrəylik
Günü münasibətilə
bayram konserti olmuşdur
Ukrayna Milli Musiqi
Akademiyasının Böyük
zalında Dünya Azərbaycanlılarının Həmrəylik
Gününə həsr
olunmuş bayram konserti olmuşdur. Tədbir Ukrayna Azərbaycanlıları Konqresi,
Ukrayna-Azərbaycan Dostluğu
Beynəlxalq Xeyriyyə
Fondu və Azərbaycanın Ukraynadakı
səfirliyi tərəfindən
təşkil edilmişdir.
Azərbaycanın və Ukraynanın
dövlət himnləri
səslənəndən sonra
ölkəmizin Ukraynadakı
səfiri Eynulla Mədətli çıxış
edərək dahi lider Heydər Əliyevin təşəbbüsü
ilə milli bayramlarımızdan birinin
- Dünya Azərbaycanlılarının
Həmrəylik Gününün
təsis edilməsi
barədə danışmışdır.
Diplomat vurğulamışdır
ki, Azərbaycan Prezidenti İlham Əliyev ümummilli lider Heydər Əliyevin milli həmrəylik işində
siyasi xəttini uğurla davam etdirməklə yanaşı,
bu istiqamətdə fəaliyyəti yeni məzmunla zənginləşdirir.
Səfir Prezident İlham Əliyevin qardaş Ukraynadakı çoxsaylı diasporumuzun
üzvlərinə böyük
diqqət və qayğı göstərdiyini
vurğulamışdır. Sonda E.Mədətli toplaşanları qarşıdan
gələn Yeni il bayramı və Dünya Azərbaycanlılarının Həmrəylik
Günü münasibətilə
təbrik etmişdir.
Azərbaycan Prezidenti Administrasiyasının ictimai-siyasi
məsələlər şöbəsinin
sektor müdiri Qafar Əliyev Prezident İlham Əliyevin dünya azərbaycanlılarına müraciətini
oxumuşdur. Dövlətimizin
başçısının həmvətənlərimizə müraciəti səfirliyin
əməkdaşları tərəfindən
Ukrayna dilinə tərcümə edilmiş
və tədbirin iştirakçılarına paylanmışdır.
ÜAK-ın sədri İlqar Abbasov milli-mədəni cəmiyyətlərin
fəal üzvlərinə,
incəsənət xadimlərinə
Ukrayna Azərbaycanlıları
Konqresinin fəxri fərmanlarını təqdim
etmişdir.
Rəsmi hissədən sonra bayram konserti olmuşdur.
Tədbirdə Azərbaycan
səfirliyinin əməkdaşları,
Kiyevdə akkreditə
olunmuş diplomatik korpusun nümayəndələri,
azərbaycanlıların və
digər türkdilli xalqların Əməkdaşlığı
Mərkəzinin direktoru
İlham İsmayılov,
"İrəli" İctimai
Birliyinin Ukrayna nümayəndəliyinin təmsilçiləri,
mədəniyyət xadimləri
iştirak etmişlər.
Zeynal AĞAZADƏ,
AzərTAc-ın xüsusi müxbiri
Kiyev
Azərbaycan.- 2010.- 28 dekabr.- S. 6.