Rusiya Prezidenti Dmitri Medvedev Azərbaycanın Rusiyadakı səfiri, bəstəkar Polad Bülbüloğlunu 65 illik yubileyi münasibətilə təbrik etmişdir

Rusiya Federasiyasının Prezidenti Dmitri Medvedev Azərbaycan Respublikasının bu ölkədəki səfiri Polad Bülbüloğlunu 65 illik yubileyi münasibətilə təbrik etmişdir.

Kremlin mətbuat xidmətindən bildirmişlər ki, təbrik teleqramında deyilir: "Azərbaycan Respublikasının Rusiya Federasiyasındakı fövqəladə və səlahiyyətli səfiri kimi Siz ölkələrimiz və xalqlarımız arasında dostluq, tərəfdaşlıq əlaqələrinin inkişafı üçün çox işlər görürsünüz. MDB məkanında çoxtərəfli humanitar əməkdaşlığın genişləndirilməsinə böyük diqqət yetirirsiniz.

Belə məsul vəzifədə uğur qazanmağınıza böyük təcrübəniz, mürəkkəb vəzifələrin həllinə yaradıcı yanaşmaq bacarığınız və əlbəttə, geniş tanınmağınız kömək edir. Axı, Sizi - istedadlı bəstəkar və müğənnini təkcə Rusiyada və Birlik dövlətlərində deyil, dünyanın bir çox ölkələrində də yaxşı tanıyırlar".

Azərbaycan.- 2010.- 5 fevral.- S. 5.