“Azərbaycan Respublikasında yaradılmış milli parkların əsasnamələrinin təsdiq edilməsi haqqında” Azərbaycan Respublikası Prezidentinin 2004-cü il 3 avqust tarixli 106 nömrəli fərmanında dəyişikliklər edilməsi barədə

Azərbaycan Respublikası Prezidentinin Fərmanı

“Akademik Həsən Əliyev adına Azərbaycan Respublikasının Ordubad Milli Parkı haqqında” Azərbaycan Respublikası Prezidentinin 2009-cu il 25 noyabr tarixli 606 nömrəli Sərəncamının icrasını təmin etmək məqsədi ilə qərara alıram:

1. “Azərbaycan Respublikasında yaradılmış milli parkların əsasnamələrinin təsdiq edilməsi haqqında” Azərbaycan Respublikası Prezidentinin 2004-cü il 3 avqust tarixli 106 nömrəli Fərmanında (Azərbaycan Respublikasının Qanunvericilik Toplusu, 2004-cü il, № 8, maddələr 614, 625; 2005-ci il, № 8, maddə 715; 2007-ci il, № 11, maddə 1110; 2008-ci il, № 6, maddə 500):

1.1. 1.1-ci bənddə “Ordubad Milli Parkı” sözləri “Zəngəzur Milli Parkı” sözləri ilə əvəz edilsin;

1.2. həmin Fərmanla təsdiq edilmiş “Akademik Həsən Əliyev adına Azərbaycan Respublikasının Ordubad Milli Parkı haqqında Əsasnamə”nin adında və 1.1-ci bəndində “Ordubad Milli Parkı” sözləri “Zəngəzur Milli Parkı” sözləri ilə əvəz edilsin.

İlham Əliyev

Azərbaycan Respublikasının Prezidenti

Bakı şəhəri, 17 fevral 2010-cu il.

Azərbaycan.- 2010.- 18 fevral.- S. 1.