Qarabağ və Xocalı soyqırımı
mövzusunda müsabiqə
yekunlaşmışdır
Fevralın 25-də "Azərsun Holdinq" şirkətinin maliyyə
dəstəyi ilə Azərbaycan Mətbuat Şurası və "Xocalı Soyqırımını
Tanıtma" İctimai
Birliyinin "Qarabağ
mövzusunun və Xocalı soyqırımının
mediada təbliğinə
dəstək" layihəsi
çərçivəsində jurnalistlər arasında keçirilmiş müsabiqənin
nəticələri açıqlanmışdır.
Tədbirdə şirkətin
vitse-prezidenti Tahir Gözəl, Mətbuat Şurasının sədri
Əflatun Amaşov,
"Azərbaycan" qəzetinin
baş redaktoru Bəxtiyar Sadıqov və başqaları çıxış edərək
Xocalı faciəsinin
dünya ictimaiyyətinə
çatdırılmasının vacibliyini vurğulamış,
Azərbaycan həqiqətlərinin
təbliği istiqamətində
genişmiqyaslı işlər
aparıldığını qeyd etmiş, müsabiqənin əhəmiyyətindən
danışmışlar.
Sonda müxtəlif nominasiyalar üzrə qaliblər mükafatlandırılmışlar.
AzərTAc
Azərbaycan.- 2010.- 26 fevral.- S. 3.