Azərbaycan və İran xalqları arasında dərin tarixi, mədəni və dini bağlılıq mövcuddur

 

İyulun 6-da Azərbaycanın xarici işlər naziri Elmar Məmmədyarov ölkəmizdə səfərdə olan İran İslam Respublikasının mədəniyyət və islam maarifləndirilməsi naziri Seyid Məhəmməd Hüseyninin başçılıq etdiyi nümayəndə heyəti ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, görüşdə tərəflər ölkələrimiz arasında münasibətlərin yüksək səviyyədə olduğunu qeyd etmiş, xalqlarımız arasında dərin tarixi, mədəni və dini bağlılığın mövcudluğunu vurğulamışlar. Mədəniyyət, elm, incəsənət və digər sahələrdə əlaqələrin intensivləşdirilməsinin, mədəniyyət nümayəndələrinin qarşılıqlı səfərlərinin sayının artırılmasının zəruriliyi bildirilmişdir.

Görüşdə qarşılıqlı maraq doğuran digər məsələlər ətrafında da fikir mübadiləsi aparılmışdır.

 

 

AzərTAc

 

Azərbaycan.- 2010.- 7 iyul.- S.  5.