Bakıda Mərkəzi Asiya Regional İqtisadi Əməkdaşlıq Proqramı
çərçivəsində beynəlxalq seminar
keçirilir
İyulun 6-da Bakıda
Asiya İnkişaf Bankının maliyyə dəstəyi ilə Mərkəzi Asiya Regional İqtisadi Əməkdaşlıq
Proqramı (CAREC) çərçivəsində
"bir pəncərə"
sisteminin tətbiqi ilə bağlı Azərbaycan nümunəsinin
öyrənilməsinə həsr
olunmuş beynəlxalq
seminar işə başlamışdır.
Seminar iştirakçıları əvvəlcə
Fəxri xiyabana gələrək xalqımızın
ümummilli lideri Heydər Əliyevin xatirəsini ehtiramla yad etmiş, məzarı önünə
əklil və gül dəstələri
qoymuşlar.
Şəhidlər xiyabanında Azərbaycanın
azadlığı və
suverenliyi uğrunda mübarizədə canlarından
keçmiş qəhrəman
Vətən övladlarının
məzarları üzərinə
güllər düzülmüş,
"Əbədi məşəl"
abidəsi önünə
əklil qoyulmuşdur.
Seminarda Azərbaycan Respublikası
Dövlət Gömrük
Komitəsinin sədri,
gömrük xidməti
general-leytenantı Aydın
Əliyev, BMT-nin Avropa üzrə iqtisadi komissiyasının
təmsilçisi Virginia Kram-Martos
və digərləri
çıxış etmişlər.
A.Əliyev bildirmişdir ki, seminarda CAREC-ə daxil olan 8 ölkədən (Azərbaycan, Əfqanıstan,
Çin, Qazaxıstan,
Özbəkistan və
s.), o cümlədən beynəlxalq
təşkilatlardan nümayəndələr
iştirak edirlər. Seminarın məqsədi
"bir pəncərə"
prinsipinin tətbiqi ilə bağlı Azərbaycan təcrübəsini
öyrənməkdir. Bundan başqa, iştirakçılar Biləsuvar
sərhəd-keçid məntəqəsində
"bir pəncərə"
prinsipinin tətbiqi ilə tanış
olacaqlar. Tədbir çərçivəsində iş adamları ilə müzakirələrin
aparılması da nəzərdə tutulmuşdur.
Tədbirdə qeyd olunmuşdur ki, Azərbaycanın bir sıra gömrük
keçid məntəqələrində
təmir işləri
aparılır və artıq Sınıq körpü, Samux, Balakən və Astara keçid məntəqələrində yaxın
vaxtlarda təmir işləri başa çatdırılacaqdır.
Azərbaycanın gömrük sahəsində
"bir pəncərə"
sisteminin tətbiqi özünü doğrultmuşdur. Respublikamızın bu sahədə olan təcrübəsi başqa ölkələr
üçün çox
maraqlıdır.
Virginia Kram-Martos tədbirin əhəmiyyətindən danışmış,
Azərbaycanın bu sahədə olan təcrübəsinin öyrənilməsinin
vacibliyini diqqətə
çatdırmışdır. O qeyd etmişdir ki, seminar təcrübə mübadiləsi
baxımından çox
əhəmiyyətlidir. Azərbaycan "bir pəncərə" sisteminin tətbiqində böyük uğurlar əldə etmişdir.
Cənubi Qafqazda iqtisadi
əməkdaşlığın ən vacib amillərindən
biri regional ticarətin
gücləndirilməsidir. CAREC-ə daxil olan
ölkələr Avropa
ilə gömrük sahəsində əməkdaşlığı
genişləndirmək üçün
regional bazarı daha da inkişaf etdirməlidirlər.
Seminar iyulun 8-də başa çatacaqdır.
AzərTAc
Azərbaycan.- 2010.- 7 iyul.- S.
5.