Müdafiə Nazirliyində görüş

İyulun 14-də Azərbaycanın müdafiə naziri general-polkovnik Səfər Əbiyev Polşanın ölkəmizdəki səfiri Kşiştof Krayevski ilə görüşmüşdür.

Müdafiə Nazirliyinin mətbuat xidmətindən bildirmişlər ki, nazir Azərbaycanda diplomatik fəaliyyətini başa vuran səfirə ikitərəfli hərbi əməkdaşlıq münasibətlərinin inkişafında göstərdiyi xidmətlərə görə təşəkkürünü bildirmişdir.

Görüşdə regionda mövcud hərbi-siyasi vəziyyət və Dağlıq Qarabağ münaqişəsi ətrafında fikir mübadiləsi aparılmışdır.

Azərbaycan.- 2010.- 15 iyul.- S. 5.