Azərbaycan Respublikasının
1999-cu il 7 dekabr tarixli 768-IQ nömrəli Qanunu ilə təsdiq
edilmiş "Gömrük orqanlarında xidmət
haqqında" Əsasnamə"yə əlavələr və
dəyişikliklər edilməsi barədə
Azərbaycan Respublikasının Qanunu
Azərbaycan
Respublikasının Milli Məclisi qərara alır:
Azərbaycan
Respublikasının 1999-cu il 7 dekabr tarixli 768-IQ nömrəli
Qanunu (Azərbaycan Respublikasının Qanunvericilik Toplusu,
2000-ci il, ¹ 1, maddə 12; 2001-ci il, ¹ 12, maddələr 731, 736;
2004-cü il, ¹ 2, maddə 57; 2005-ci il, ¹ 4, maddə 274, ¹ 7, maddə
590; 2006-cı il, ¹ 11, maddə 926; 2007-ci il, ¹ 1, maddə 1, ¹ 8,
maddə 756, ¹ 11, maddə 1078; 2008-ci il, ¹ 3, maddə 155, ¹ 8,
maddələr 694, 696; 2009-cu il, ¹ 6, maddələr 399, 406;
2010-cu il, ¹ 2, maddə 75, ¹ 3, maddə 171) ilə təsdiq
edilmiş "Gömrük orqanlarında xidmət
haqqında" Əsasnamə"yə
aşağıdakı əlavələr və dəyişikliklər
edilsin:
1. 2-ci maddəyə
aşağıdakı məzmunda ikinci,
üçüncü və dördüncü hissələr
əlavə edilsin:
"Dövlət
qulluğu haqqında" Azərbaycan Respublikası Qanununun vətəndaşların
dövlət qulluğuna qəbul edilmək hüququna,
qulluğa qəbulun müsabiqə və şəffaflıq əsasında
həyata keçirilməsinə, dövlət
qulluqçularının fəaliyyətinin qiymətləndirilməsinə
və dövlət qulluğunun digər prinsiplərinə aid
müddəaları gömrük orqanlarına xidmətə qəbul
edilən şəxslərə şamil edilir.
Əmək
münasibətlərinə dair bu əsasnamədə nəzərdə
tutulmayan məsələlər Azərbaycan Respublikası Əmək
Məcəlləsinin müvafiq normaları ilə tənzimlənir.
Gömrük orqanlarında
xüsusi rütbələr nəzərdə tutulmayan vəzifələrdə
işləyən şəxslərin qulluq keçməsi
"Dövlət qulluğu haqqında" Azərbaycan
Respublikası Qanununun, dövlət qulluqçusu olmayan
işçilərin (xadimə, dalandar, bağban, gözətçi,
ocaqçı, ixtisas dərəcəsi olmayan fəhlə və
s.) isə əmək münasibətləri Azərbaycan Respublikası
Əmək Məcəlləsinin müvafiq normaları ilə
tənzimlənir.";
2. 3-cü maddəyə
aşağıdakı məzmunda ikinci hissə əlavə
edilsin:
"Gömrük
orqanlarının vəzifəli şəxslərinin
arasında xidmət münasibətlərinin tənzimlənməsi
məqsədi ilə bu orqanlarda kiçik heyət, orta,
baş və ali rəis heyəti vəzifələri və bu
vəzifələrə müvafiq xüsusi rütbələr
müəyyən edilir.";
3. 5-ci maddədə
"müəyyən olunmuş nümunə əsasında"
sözləri "Azərbaycan Respublikasının
gömrük işini aparan icra hakimiyyəti orqanının
müəyyən etdiyi qaydada, formada və etibarlıq müddətinə"
sözləri ilə əvəz edilsin;
4. 7-ci maddənin 1-ci bəndində
"gömrük xidməti giziri;" sözlərindən
sonra "tibb xidməti giziri;" sözləri, 2-ci bəndində
"gömrük xidməti baş giziri;" sözlərindən
sonra "tibb xidməti baş giziri;" sözləri,
3-cü bəndində "gömrük xidməti kiçik
leytenantı;" sözlərindən sonra "tibb xidməti
kiçik leytenantı;" sözləri, 4-cü bəndində
"gömrük xidməti leytenantı;" sözlərindən
sonra "tibb xidməti leytenantı;" sözləri, 5-ci bəndində
"gömrük xidməti baş leytenantı;" sözlərindən
sonra "tibb xidməti baş leytenantı;" sözləri,
6-cı bəndində "gömrük xidməti
kapitanı;" sözlərindən sonra "tibb xidməti
kapitanı;" sözləri, 7-ci bəndində
"gömrük xidməti mayoru;" sözlərindən
sonra "tibb xidməti mayoru;" sözləri, 8-ci bəndində
"gömrük xidməti polkovnik-leytenantı;" sözlərindən
sonra "tibb xidməti polkovnik-leytenantı;" sözləri,
9-cu bəndində "gömrük xidməti polkovniki;"
sözlərindən sonra "tibb xidməti polkovniki;"
sözləri və 10-cu bəndində "gömrük xidməti
general-mayoru;" sözlərindən sonra "tibb xidməti
general-mayoru;" sözləri əlavə edilsin;
5. 8-ci maddənin birinci hissəsinin
1-ci bəndində "gömrük xidməti baş
giziri" sözlərindən sonra "; tibb xidməti giziri,
tibb xidməti baş giziri" sözləri, 2-ci bəndində
"gömrük xidməti kapitanı" sözlərindən
sonra "; tibb xidməti kiçik leytenantı, tibb xidməti
leytenantı, tibb xidməti baş leytenantı, tibb xidməti
kapitanı" sözləri, 3-cü bəndində
"gömrük xidməti polkovniki" sözlərindən
sonra "; tibb xidməti mayoru, tibb xidməti polkovnik-leytenantı,
tibb xidməti polkovniki" sözləri və 4-cü bəndində
"gömrük xidməti general-mayoru" sözlərindən
sonra ", tibb xidməti general-mayoru" sözləri əlavə
edilsin;
6. 11-ci maddədə
"prinsipi" sözündən sonra ", müsabiqə və
şəffaflıq" sözləri və həmin maddəyə
aşağıdakı məzmunda ikinci hissə əlavə
edilsin:
"Gömrük
orqanlarına xidmətə qəbul ilə əlaqədar
müsabiqə test imtahanından və müsahibədən
ibarət olmaqla Azərbaycan Respublikasının müvafiq icra
hakimiyyəti orqanı tərəfindən müəyyən
edilmiş qaydada həyata keçirilir.";
7. 12-ci maddənin 7-ci bəndinin
sonunda nöqtə işarəsi nöqtəli vergül
işarəsi ilə əvəz edilsin və həmin maddəyə
aşağıdakı məzmunda 8-ci bənd əlavə
edilsin:
"8) hərbi
bilet və ya digər hərbi uçot sənədi.";
8. 15-ci maddədə:
8.1. birinci
hissə aşağıdakı redaksiyada verilsin:
"İkili vətəndaşlığı,
digər dövlətlər qarşısında öhdəlikləri
olan şəxslər, din xadimləri, məhkəmənin
qanuni qüvvəyə minmiş qərarı ilə fəaliyyət
qabiliyyəti olmayan və ya məhdud fəaliyyət qabiliyyətli
hesab edilmiş, məhkumluğu ödənilməmiş və
ya götürülməmiş şəxslər, tibbi rəyə
əsasən fiziki və əqli qüsurlarına görə
gömrük orqanlarında işləməyə qadir olmayan,
gömrük, digər hüquq mühafizə və ya
başqa dövlət orqanlarında əvvəllər yol
verdiyi kobud nöqsanlara və ya qulluqla bir araya sığmayan
hərəkətlərə görə bu orqanlardan xaric
edilmiş şəxslər gömrük orqanlarına xidmətə
qəbul edilə bilməzlər.";
8.2. ikinci
hissədən "müvafiq ali təhsilə malik olmayan,
habelə (ali rəis heyəti üçün nəzərdə
tutulan vəzifələrə xidmətə qəbul olunanlar
istisna edilməklə)" sözləri
çıxarılsın;
8.3. aşağıdakı
məzmunda dördüncü hissə əlavə edilsin:
"Gömrük
orqanlarının kiçik heyət vəzifələrinə
xidmətə ən azı tam orta və orta ixtisas təhsilli,
orta, baş və ali rəis heyəti vəzifələrinə
isə yalnız müvafiq ali təhsilə malik olan şəxslər
qəbul edilirlər.".
9. 22-ci maddə
aşağıdakı redaksiyada verilsin:
"22. Gömrük
orqanlarının vəzifəli şəxslərinə
xüsusi rütbələr fərdi şəkildə,
ardıcıl qaydada (bu əsasnamənin 29-cu maddəsində
nəzərdə tutulmuş hallar istisna olmaqla), təhsilləri,
olduqları xüsusi rütbədə xidmət müddəti
və əmək stajı, tutduqları vəzifədə
xüsusi rütbə hədləri, həmçinin bu əsasnamə
ilə nəzərdə tutulan digər şərtlər nəzərə
alınmaqla verilir.";
10. 23-cü maddənin birinci
cümləsində "xidməti general-mayoru və ondan
yuxarı" sözləri "orqanlarının ali rəis
heyəti üçün nəzərdə tutulan"
sözləri ilə və ikinci cümləsində
"xüsusi rütbələr" sözləri "və
tibb xidməti polkovniki xüsusi rütbələri"
sözləri ilə əvəz edilsin;
11. 26-cı maddənin birinci
hissəsinin ikinci abzasında "gömrük xidməti
giziri" sözlərindən sonra ", tibb xidməti
giziri" sözləri, üçüncü abzasında
"gömrük xidməti kiçik leytenantı"
sözlərindən sonra ", tibb xidməti kiçik
leytenantı" sözləri, dördüncü abzasında
"gömrük xidməti leytenantı" sözlərindən
sonra ", tibb xidməti leytenantı" sözləri,
beşinci abzasında "gömrük xidməti baş
leytenantı" sözlərindən sonra ", tibb xidməti
baş leytenantı" sözləri, altıncı
abzasında "gömrük xidməti kapitanı"
sözlərindən sonra ", tibb xidməti kapitanı"
sözləri, yeddinci abzasında "gömrük xidməti
mayoru" sözlərindən sonra ", tibb xidməti
mayoru" sözləri, səkkizinci abzasında
"gömrük xidməti polkovnik-leytenantı" sözlərindən
sonra ", tibb xidməti polkovnik-leytenantı" sözləri
əlavə edilsin və ikinci hissəsində
"gömrük xidməti polkovniki" sözləri
"tibb xidməti baş giziri, gömrük xidməti
polkovniki, tibb xidməti polkovniki" sözləri ilə əvəz
edilsin;
12. 27-ci maddənin birinci hissəsinin
ikinci abzasında "gömrük xidməti giziri,
gömrük xidməti baş giziri, gömrük xidməti
kiçik leytenantı, gömrük xidməti leytenantı,
gömrük xidməti baş leytenantı, gömrük xidməti
kapitanı" sözləri "gömrük xidməti
giziri, tibb xidməti giziri, gömrük xidməti baş
giziri, tibb xidməti baş giziri, gömrük xidməti
kiçik leytenantı, tibb xidməti kiçik leytenantı, gömrük
xidməti leytenantı, tibb xidməti leytenantı,
gömrük xidməti baş leytenantı, tibb xidməti
baş leytenantı, gömrük xidməti kapitanı, tibb
xidməti kapitanı" sözləri ilə,
üçüncü abzasında "gömrük xidməti
mayoru, gömrük xidməti polkovnik-leytenantı" sözləri
"gömrük xidməti mayoru, tibb xidməti mayoru,
gömrük xidməti polkovnik-leytenantı, tibb xidməti
polkovnik-leytenantı" sözləri ilə və
dördüncü abzasında "gömrük xidməti
polkovniki, gömrük xidməti general-mayoru" sözləri
"gömrük xidməti polkovniki, tibb xidməti polkovniki,
gömrük xidməti general-mayoru, tibb xidməti
general-mayoru" sözləri ilə əvəz edilsin;
13. 29-cu maddəyə
aşağıdakı məzmunda üçüncü hissə
əlavə edilsin:
"Kiçik heyət vəzifələrində
olan gömrük orqanlarının vəzifəli şəxsləri
orta və baş rəis heyəti vəzifələrinə təyin
olunduqda, onlara mövcud xüsusi rütbədə xidmət
müddətindən asılı olmayaraq həmin rəis heyətinin
ilk xüsusi rütbəsi verilir.";
14. 34-cü maddədə
"gömrük xidməti polkovnik-leytenantı və
gömrük xidməti mayoru, habelə gömrük xidməti
kapitanı, gömrük xidməti baş leytenantı,
gömrük xidməti leytenantı" sözləri
"tibb xidməti polkovniki, gömrük xidməti
polkovnik-leytenantı, tibb xidməti polkovnik-leytenantı,
gömrük xidməti mayoru və tibb xidməti mayoru, habelə
gömrük xidməti kapitanı, tibb xidməti kapitanı,
gömrük xidməti baş leytenantı, tibb xidməti
baş leytenantı, gömrük xidməti leytenantı, tibb
xidməti leytenantı" sözləri ilə əvəz
edilsin;
15. 38-ci maddə
aşağıdakı redaksiyada verilsin:
"38. Xüsusi rütbə
gömrük orqanlarının vəzifəli şəxsinə
ömürlük verilir və o, yalnız qanunvericiliklə
müəyyən edilmiş qaydada xüsusi rütbədən
məhrum oluna bilər.";
16. 41-ci maddədə
"rütbələr üzrə maaşları" sözləri
"rütbələrə görə əlavələri"
sözləri ilə əvəz edilsin;
17. 51-ci maddənin birinci hissəsində
"ilkin" sözü "ilk" sözü ilə əvəz
edilsin;
18. 53-cü maddənin
3-cü bəndinin sonunda nöqtə işarəsi nöqtəli
vergül işarəsi ilə əvəz edilsin və həmin
maddəyə aşağıdakı məzmunda 4-cü bənd
əlavə edilsin:
"4)
aşağıdakı hallarda aşağı vəzifəyə
keçirildikdə:a
səhhətinə görə (tibb
komissiyasının rəyinə əsasən) və ya
ştatların ixtisarı nəticəsində bərabər
vəzifəyə keçirilməsi mümkün
olmadıqda;
attestasiyanın nəticələrinə
görə tutduğu vəzifəyə uyğun gəlmədiyi
müəyyən edildikdə;
intizam tənbehi
qaydasında.";
19. 69-cu maddənin 4-cü bəndindən
"6 ay müddətinə" sözləri
çıxarılsın, 7-ci bəndinin sonunda nöqtə
işarəsi nöqtəli vergül işarəsi ilə əvəz
edilsin və həmin maddəyə aşağıdakı məzmunda
8-ci bənd əlavə edilsin:
"8) qanunvericiliklə
müəyyən edilmiş hallarda və qaydada xüsusi
rütbədən məhrum edilməklə gömrük
orqanlarından xaric etmə.";
20. 91-ci maddə
aşağıdakı redaksiyada verilsin:
"91. Gömrük
orqanının vəzifəli şəxsi müvafiq iş
ilində (iş illərində) bu əsasnamənin 85-ci maddəsində
nəzərdə tutulmuş əsas məzuniyyətdən istənilən
səbəbdən istifadə etmədikdə ona həmin
iş ili (iş illəri) üçün istifadə edilməmiş
əsas məzuniyyətə görə kompensasiya ödənilir.";
21. 93-cü maddədə
"xüsusi rütbələr üzrə maaşlardan, 5 ildən
artıq qüsursuz xidmətə görə, xarici dili bilməyə"
sözləri "xüsusi rütbələrə, fasiləsiz
xidmət illərinə" sözləri ilə əvəz
edilsin;
22. 99-cu maddədə
"orqanlarda" sözündən sonra "fasiləsiz"
sözü əlavə edilsin və "və hesablanması
qaydasına uyğun olaraq ödənilir" sözləri
"bərabər müəyyən edilir" sözləri
ilə əvəz edilsin;
23. 100-cü maddə
aşağıdakı redaksiya verilsin:
"100. Gömrük
orqanlarının vəzifəli şəxslərinin fasiləsiz
xidmət illərinin və bununla əlaqədar onlara verilən
əlavələrin hesablanması qaydası Azərbaycan
Respublikasının müvafiq icra hakimiyyəti orqanı tərəfindən
müəyyən edilir.";
24. 103-cü maddə
aşağıdakı redaksiyada verilsin:
"103. Gömrük orqanlarının vəzifəli şəxslərinin həyatı və sağlamlığı dövlət büdcəsi vəsaiti hesabına "Məhkəmə və hüquq mühafizə orqanlarının işçilərinin dövlət icbari şəxsi sığortası haqqında" Azərbaycan Respublikasının Qanununa uyğun olaraq məcburi sığorta edilir.";
25. 120-ci maddədə:
25.1. birinci hissənin 11-ci bəndinin sonunda nöqtə işarəsi nöqtəli vergül işarəsi ilə əvəz edilsin və həmin maddəyə aşağıdakı məzmunda 12-ci və 13-cü bəndlər əlavə edilsin:
"12) fəaliyyət qabiliyyətsizliyi və ya məhdud fəaliyyət qabiliyyəti məhkəmə tərəfindən təsdiq edildikdə;
13) cinayət törətdiyinə görə barəsində qanuni qüvvəyə minmiş məhkəmənin ittiham hökmü və ya tibbi xarakterli məcburi tədbirlərin tətbiqinə dair məhkəmənin qərarı olduğu halda.";
25.2. ikinci hissədə "4-11-ci" sözləri "4-13-cü" sözləri ilə əvəz edilsin.
İlham ƏLİYEV,
Azərbaycan Respublikasının Prezidenti
Bakı şəhəri, 22 iyun 2010-cu il
Azərbaycan.- 2010.- 20
iyul.- S. 3.