Azərbaycan Dövlət Filarmoniyasının kamera orqan musiqisi zalı binasının təmiri bərpasıilə əlaqədar tədbirlər haqqında Azərbaycan Respublikası Prezidentinin sərəncamı

 

1896-1899-cu illərdə yevangelik-lüteran kilsəsi kimi inşa edilən, sonralar müxtəlif mədəni tədbirlərin keçirilməsi üçün istifadə olunan Azərbaycan Dövlət Filarmoniyasının kamera orqan musiqisi zalının binası Bakı şəhərinin gözəl memarlıq abidələrindən biridir.

Azərbaycan Dövlət Filarmoniyasının kamera orqan musiqisi zalı binasının tarixi-memarlıq abidəsi mədəniyyət ocağı kimi əhəmiyyətini nəzərə alaraq, onun təmiri bərpası məqsədi ilə qərara alıram:

 

1. Azərbaycan Respublikasının 2010-cu il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Azərbaycan Dövlət Filarmoniyasının kamera orqan musiqisi zalı binasının təmiri bərpası üçün 1,0 (bir) milyon manat məbləğində vəsait ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci bəndində nəzərdə tutulmuş vəsaitin maliyyələşdirilməsini müəyyən olunmuş qaydada həyata keçirsin.

 

 

İlham Əliyev,

Azərbaycan Respublikasının Prezidenti

Bakı şəhəri, 15 mart 2010-cu il.

 

Azərbaycan.- 2010.-  16 mart.- S.  1.