2009-cu il dekabrın 29-da Pekin şəhərində imzalanmış “Azərbaycan Respublikası Müdafiə Nazirliyi və Çin Xalq Respublikası Müdafiə Nazirliyi arasında Çin tərəfindən Azərbaycana təmənnasız hərbi yardım göstərilməsi haqqında Saziş”in təsdiq edilməsi barədə

Azərbaycan Respublikası Prezidentinin sərəncamı

1. 2009-cu il dekabrın 29-da Pekin şəhərində imzalanmış “Azərbaycan Respublikası Müdafiə Nazirliyi və Çin Xalq Respublikası Müdafiə Nazirliyi arasında Çin tərəfindən Azərbaycana təmənnasız hərbi yardım göstərilməsi haqqında Saziş” təsdiq edilsin.

2. Azərbaycan Respublikasının Müdafiə Nazirliyinə tapşırılsın ki, bu Sərəncamın 1-ci bəndində göstərilən Sazişin həyata keçirilməsini təmin etsin.

3. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən Sazişin qüvvəyə minməsi üçün zəruri olan dövlətdaxili prosedurların yerinə yetirilməsi barədə Çin Xalq Respublikası tərəfini xəbərdar etsin.

İlham Əliyev,

Azərbaycan Respublikasının Prezidenti

Bakı şəhəri, 15 mart 2010-cu il.

Azərbaycan.- 2010.- 16 mart.- S. 1.