Yunanıstan Respublikasının Prezidenti zati-aliləri cənab Karolos Papulyasa

Hörmətli cənab Prezident!

Ölkənizin milli bayramı - Müstəqillik Günü münasibətilə Sizi və bütün xalqınızı öz adımdan və Azərbaycan xalqı adından səmimi qəlbdən təbrik edirəm.

Ümidvaram ki, Azərbaycan ilə Yunanıstan arasındakı ikitərəfli münasibətlərin, beynəlxalq qurumlar və layihələr çərçivəsində əməkdaşlığımızın inkişaf etdirilməsi, dostluq əlaqələrimizin möhkəmləndirilməsi istiqamətində atdığımız addımlar daim xalqlarımızın mənafelərinə xidmət edəcəkdir.

Bu xoş gündə Sizə möhkəm cansağlığı, işlərinizdə uğurlar, dost Yunanıstan xalqına sülh və rifah arzulayıram.

Hörmətlə,

İlham ƏLİYEV,

Azərbaycan Respublikasının Prezidenti

Bakı, 11 mart 2010-cu il

Azərbaycan.- 2010.- 30 mart.- S. 1.