Nazirlər Kabineti Dövlət informasiya ehtiyatlarının reyestrinin aparılması qaydaları haqqında Əsasnaməni təsdiq etmişdir

Azərbaycan Respublikası Nazirlər Kabinetinin qərarı ilə ölkədə "Dövlət informasiya ehtiyatlarının reyestrinin aparılması qaydaları haqqında Əsasnamə" təsdiq edilmişdir.

Əsasnamə Dövlət informasiya ehtiyatları reyestrinin formalaşdırılması, aparılması, istifadəsi və mühafizəsinin hüquqi və təşkilati əsaslarını müəyyən edir.

Sənədə uyğun olaraq reyestrin operatoru Rabitə və İnformasiya Texnologiyaları Nazirliyi (RİTN) müəyyən edilmişdir.

Nazirliyin mətbuat xidmətindən bildirmişlər ki, bununla əlaqədar RİTN-ə reyestrin fəaliyyətinin təşkili, metodik, informasiya-linqvistik, proqram-texniki dəstəyin təmin olunması, informasiya ehtiyatları barədə və digər xidməti məlumatların reyestrə daxil edilməsi və təzələnməsi, reyestrə daxil edilmiş informasiya ehtiyatları barədə sənədli arxivin aparılması və saxlanılması, reyestrin internet portalının yaradılması və aktuallaşdırılması, reyestrin dayanıqlı işləməsinin və informasiya təhlükəsizliyinin təmin edilməsi və s. həvalə olunmuşdur.

Əsasnamənin tam mətni ilə RİTN-in internet səhifəsinin "Hüquqi sənədlər" bölməsində tanış olmaq mümkündür.

Azərbaycan.- 2010.- 21 may.- S. 3.