ABŞ Azərbaycanın Dağlıq Qarabağ bölgəsində separatçı rejimin keçirəcəyi "seçkiləri" tanımır

Birləşmiş Ştatlar daxil olmaqla, dünyanın heç bir dövləti qondarma "Dağlıq Qarabağ Respublikası"nı və həmçinin orada mayın 23-də keçiriləcək "parlament seçkiləri"ni tanımır. ABŞ-ın bu rəsmi mövqeyini AzərTAc-a Dövlət Departamentinin rəsmisi bildirmişdir.

Birləşmiş Ştatlar ATƏT-in Minsk qrupunun münaqişənin dinc yolla nizamlanması üsullarının tapılması səylərini dəstəkləyir. Minsk qrupu həmsədrlərindən biri kimi ABŞ münaqişə tərəfləri olan Ermənistan və Azərbaycanla işləyərək Helsinki Yekun Aktının zorakılıqdan çəkinmə, öz müqəddəratını təyinetmə və ərazi bütövlüyünün qorunması prinsiplərinə əsaslanaraq münaqişənin uzunmüddətli həlli yolunu axtarır.

Şəfəq AKİFQIZI,

AzərTAc-ın xüsusi müxbiri

Vaşinqton

Azərbaycan.- 2010.- 22 may.- S. 1.