Azərbaycan Respublikasının Prezidenti yanında Dövlət İdarəçilik Akademiyasında keçirilmiş tədbir Dünya Fəlsəfə Gününə həsr edilmişdir

Azərbaycan Respublikasının Prezidenti yanında Dövlət İdarəçilik Akademiyasında YUNESKO tərəfindən elan edilmiş Ümumdünya Fəlsəfə Gününə həsr olunmuş tədbir keçirilmişdir. Tədbirdə YUNESKO-nun baş direktoru İrina Bokovanın təbrik məktubu oxunmuşdur. Akademiyanın tədris işləri üzrə prorektoru, professor Əlikram Abdullayev bu günün yaranma tarixi, Fəlsəfə gününün keçirilməsi ənənələri barədə məlumat vermiş və Akademiyada Ümumdünya Fəlsəfə Gününün akademik Ramiz Mehdiyevin Azərbaycan dilində yenicə çapdan çıxmış ali məktəblər üçün "Fəlsəfə" dərs vəsaitinin təqdimatı ilə qeyd edildiyini bildirmişdir. Akademiyanın Fəlsəfə və sosial psixologiya kafedrasının müdiri, professor Tofiq Rəsulov təqdimatı keçirilən kitab barədə məruzə ilə çıxış etmişdir. AMEA-nın müxbir üzvü, professor Səlahəddin Xəlilov, AMEA-nın fəlsəfə, sosiologiya və hüquq institutunun direktoru, professor İlham Məmmədzadə, tanınmış filosoflar, professor Nurqələm Mikayılov, professor İzzət Rüstəmov, dosent Məhəmməd Teymurzadə və başqaları kitab barədə öz fikirlərini bildirmişlər. Azərbaycan Respublikası Təhsil Nazirliyinin idarə rəisi, iqtisad elmlər namizədi İlham Mustafayev, həmin nazirliyin şöbə müdiri, professor Həbib Zərbəliyev müzakirələrdə iştirak etmişlər

Azərbaycan.- 2010.- 20 noyabr.- S. 5.