Nyu-Yorkda
Üzeyir Hacıbəylinin yubileyi qeyd edilmişdir
Bruklin Türk Mədəniyyəti Mərkəzində
Azərbaycan Nyu-York Assosiasiyası Üzeyir Hacibəylinin 125
illik yubileyinə həsr olunmuş tədbir təşkil
etmişdir. Ü.Hacibəylinin müəllifi olduğu Azərbaycan
dövlət himninın sədaları ilə açılan tədbirdə
assosiasiya adından Ercan Yerdələnli və Zəminə
Mirhadıyeva qonaqları salamlamışdılar. Yubiley tədbirində
Azərbaycan Dövlət Musiqi Akademiyasının məzunları
dahi bəstəkarın həyat və
yaradıcılığından
danışmışdılar. Tədbirin bədii hissəsində icma
üzvü Novruz Məmmədov "Sənsiz" və
"Sevgili canan" romanslarını ifa etmiş, "O
olmasın, bu olsun" komediyasından parçalar səsləndirilmişdir.
Azərbaycanın mədəni irsini təbliğ edən gecəyə
Nyu-Yorkda yaşayan digər etnik icmaların nümayəndələri
də qatılmışdılar.
Şəfəq
Akifqızı,
AzərTAc-ın
xüsusi müxbiri
Nyu-York
Azərbaycan.-
2010.- 16 oktyabr.- S. 12.