Arxeoloji axtarışlar
davam edir
Bir neçə
ildir ki, Regionların İnkişafı
İctimai Birliyinin dəstəyi ilə Milli Elmlər Akademiyasının və Etnoqrafiya İnstitutunun, Mədəniyyət və
Turizm Nazirliyinin birgə layihəsi üzrə Şəmkir rayonundakı Qaracəmirli
kəndinin yaxınlığında
arxeoloji qazıntı
işləri aparılır.
Burada təqribən 28 hektar sahədə qədim şəhərin qalıqları
aşkara çıxarılmışdır.
Ekspedisiyanın rəhbəri,
tarix elmləri doktoru T.Dostiyevin sözlərinə görə,
ilkin nəticələr
göstərir ki, Şəmkir şəhəri
dövrün hərbi
memarlığının inkişafı
səviyyəsinə uyğun
olaraq dördbucaqlı
plan quruluşuna malik olub: Narınqala, Şəhəristan və
bir də Rabad, yəni Bayır şəhəri.
Şəhəristan və Narınqala
qalın divarlarla əhatə olunmuşdu.
İndiki tədqiqatların əsas vəzifələrindən
biri Narınqalanın
ətrafını qazıntılarla
açaraq təmizləmək,
onun konstruktiv xüsusiyyətlərini, inşaat
texnikası və bədii tərtibatı ilə bağlı suallara aydınlıq gətirməkdən ibarətdir.
Axtarış işlərinin
gedişi ilə əlaqədar Şəmkir
rayonunda "Antik və orta əsr
Azərbaycan şəhərləri:
arxeoloji irsi, tarixi və memarlığı" mövzusunda
elmi konfrans keçirilmişdir. Konfransı giriş
sözü ilə Azərbaycan Milli Elmlər Akademiyasının
prezidenti, akademik Mahmud
Kərimov açaraq ölkə tarixinin tədqiqi və təbliğinə ümumdövlət
səviyyəsində göstərilən
qayğı və diqqətdən danışdı.
Azərbaycan Milli Elmlər Akademiyasının
vitse-prezidenti, akademik Nailə Vəlixanlının,
Arxeologiya və Etnoqrafiya İnstitutunun direktoru Maisə Rəhimovanın, Tarix İnstitutunun direktoru Yaqub Mahmudovun, Memarlıq və İnşaat Universitetinin rektoru Gülcöhrə Məmmədovanın məruzələri,
akademik Teymur Bünyadovun, memar Rizvan Bayramovun, habelə Dağıstandan
və Gürcüstandan
gələn qonaqların
çıxışları dinlənildi.
Sonra qonaqlar orta əsr Şəmkir
şəhərinin yerində
aparılan arxeoloji qazıntılarla
Əhməd İSAYEV
Azərbaycan.- 2010.- 30 oktyabr.- S. 5.