Şəhidlərin xatirəsinə ehtiram

Gürcüstan Prezidenti Mixeil Saakaşvili Azərbaycana səfəri çərçivəsində sentyabrın 14-də Şəhidlər xiyabanını ziyarət etmişdir.

Prezident Mixeil Saakaşvili Azərbaycanın azadlığı və suverenliyi uğrunda şəhid olmuş qəhrəman Vətən oğullarının üstünə tər güllər düzülmüş məzarlarını ziyarət etdi, "Əbədi məşəl" abidəsi önünə əklil qoydu.

Ali qonağa Şəhidlər xiyabanının tarixi və paytaxtımızda görülən abadlıq-quruculuq işləri barədə məlumat verildi.

Gürcüstan dövlətinin başçısı Bakının ən hündür nöqtəsindən Azərbaycan paytaxtının mənzərəsini seyr etdi.

AzərTAc

Azərbaycan.- 2010.- 15 sentyabr.- S. 3.