Rusiya ekologiyanın qorunması sahəsində Azərbaycandan nümunə götürməlidir

Bakıda keçirilən Humanitar Əməkdaşlıq üzrə Birinci Azərbaycan-Rusiya Forumu çərçivəsində ölkəmizdə səfərdə olan "Exo Moskva" radiosunun baş redaktoru Aleksey Venediktov Azərbaycanda Prezident İlham Əliyev tərəfindən 2010-cu ilin "Ekologiya ili" elan edilməsini yüksək qiymətləndirmişdir.

Qonaq demişdir ki, dünyanın hər yerində ekoloji problemlər vardır. Bu problemləri həll etmək üçün uzun vaxt tələb olunur. Rusiya bu sahədə Azərbaycandan nümunə götürəcəkdir.

A.Venediktov forumun əhəmiyyətini vurğulayaraq bunun ölkələrimiz arasındakı əlaqələrin genişlənməsinə, hər sahədə əməkdaşlığın inkişafına təkan verəcəyini bildirmişdir. Rusiya belə forumları Almaniya, Böyük Britaniya və ABŞ-da da keçirmişdir.

AzərTAc

Azərbaycan.- 2010.- 23 yanvar.- S. 4.