Yarub Smarait: "Dünya mədəniyyətinə Üzeyir Hacıbəyli, Müslüm Maqomayev kimi dahi klassiklər bəxş etmiş Azərbaycan xalqı musiqi korifeyləri ilə fəxr edə bilər"

Bakıda "Muğam aləmi" II Beynəlxalq muğam festivalı yüksək səviyyədə keçirilmişdir. Bu ölkənin çox gözəl klassik musiqisi vardır. Dünya mədəniyyətinə Üzeyir Hacıbəyli, Müslüm Maqomayev kimi dahi klassiklər bəxş etmiş Azərbaycan xalqı musiqi korifeyləri ilə fəxr edə bilər. Bunlar nəinki bu ölkənin musiqisini dünyada tanıtmış, həmçinin dünya musiqi xəzinəsinə öz töhfələrini vermişlər.

Bu sözləri Bakıda keçirilən "Muğam aləmi" II Beynəlxalq muğam festivalının iştirakçısı, iordaniyalı violonçel ustası Yarub Smarait AzərTAc-a müsahibəsində demişdir.

Qonaq Heydər Əliyev Fondunun prezidenti, YUNESKO-nun və İSESKO-nun xoşməramlı səfiri Mehriban xanım Əliyevanın bu sahəyə xüsusi qayğısını diqqətə çatdırmışdır. Bildirmişdir ki, böyük müvəffəqiyyətlə keçən muğam festivalı bunu bir daha göstərir. Azərbaycanda bir neçə il əvvəl olduğunu deyən qonaq ötən müddətdə Bakının xeyli gözəlləşdiyini, inkişaf etdiyini də vurğulamışdır.

Azərbaycan.- 2011.- 6 aprel.- S. 5.