Türkiyə Prezidenti Abdullah Gül Azərbaycanın müdafiə nazirini qəbul etmişdir

Türkiyə Prezidenti Abdullah Gül Azərbaycanın müdafiə naziri general-polkovnik Səfər Əbiyevin başçılıq etdiyi nümayəndə heyətini Çankaya köşkündə qəbul etmişdir. Səfər Əbiyev Azərbaycan Prezidenti İlham Əliyevin səmimi salamlarını Türkiyənin dövlət başçısına çatdırmışdır. Abdullah Gül də özünün səmimi salamlarını Azərbaycan Prezidentinə çatdırmağı xahiş etmişdir.

Görüşdə Türkiyə ilə Azərbaycan arasında bütün sahələrdə, o cümlədən hərbi sahədə əməkdaşlığın yüksək səviyyəsindən məmnunluq ifadə olunmuş, bu əlaqələrin gələcəkdə də uğurla davam edəcəyi vurğulanmışdır.

Azərbaycan nümayəndə heyəti Türkiyə Silahlı Qüvvələri Baş Qərargahının rəisi ordu generalı İşık Koşanerlə də görüşmüşdür. Görüşlərdə Azərbaycanın Türkiyədəki səfiri Faiq Bağırov iştirak etmişdir.

Azərbaycan.- 2011.- 9 aprel.- S. 2.