Şamaxı-Ağsu arxeoloji ekspedisiyasının internet saytı yaradılmışdır

Azərbaycan Milli Elmlər Akademiyasının Arxeologiya və Etnoqrafiya İnstitutu tərəfindən Şamaxı-Ağsu Arxeoloji ekspedisiyasının internet saytı yaradılmışdır.

İnstitutdan AzərTAc-a bildirmişlər ki, internet saytında ekspedisiyanın üzvləri haqqında ətraflı məlumat, Şamaxı-Ağsu arxeoloji ekspedisiyasının əvvəlki illərdə gördüyü işlər, Şamaxı rayonu ərazisində yerləşən Gülüstan qalasında aparılan qazıntılar, Gülüstan qalasının tarixi, qazıntılar nəticəsində üzə çıxarılmış arxeoloji tapıntıların və qazıntı zamanı fotolar, video müsahibələr, elmi məqalələr, mətbuatda Şamaxı-Ağsu arxeoloji ekspedisiyası haqqında gedən məlumatlar yer almışdır.

Şamaxı-Ağsu arxeoloji ekspedisiyasının üzvü Səbuhi Hüseynovun sözlərinə görə, internet saytın köməyi ilə elmi ictimaiyyət ilə ekspedisiya daim əlaqədə ola biləcək, onların istənilən suallarına cavab verə biləcəkdir. Gələcəkdə saytın ingilis və rus dillərində də olması üzərində iş gedir.

İnternet sayt www.shamakhiagsuexpedition.org ünvanında yerləşir.

Azərbaycan.- 2011.- 7 avqust.- S. 3.