Artıq 25 ölkə Azərbaycanda keçiriləcək "Eurovision-2012" müsabiqəsində iştirakını təsdiqləmişdir

Daha iki ölkə Azərbaycanda keçiriləcək "Eurovision-2012" mahnı müsabiqəsində iştirakını təsdiqləmişdir.

AzərTAc xəbər verir ki, San-Marino və 2011-ci ildən müsabiqəyə qayıdan, builki yarışmanın böyük beşliyinə daxil olan İtaliya Bakıda keçiriləcək "Eurovision-2012" mahnı müsabiqəsində iştirak edəcək ölkələr sırasına qoşulmuşlar. Bununla da müsabiqədə iştirak edəcək ölkələrin sayı 25-ə çatmışdır.

Bunlar Azərbaycan da daxil olmaqla, Türkiyə, Almaniya, Avstriya, Belçika, Belarus, Çexiya, Danimarka, Estoniya, Ermənistan, Finlandiya, İsveç, İsveçrə, İsrail, İtaliya, Kipr, Gürcüstan, Macarıstan, Niderland, Norveç, Xorvatiya, Rumıniya, San-Marino, Slovakiya və Sloveniyadır.

Azərbaycan.- 2011.-12 avqust.- S. 5.