Afrika İttifaqı Somali xalqına ayırdığı humanitar yardıma görə Azərbaycana təşəkkür etmişdir

Azərbaycanın Xarici İşlər Nazirliyinin mətbuat xidmətindən AzərTAc-a bildirmişlər ki, Afrika İttifaqı Komissiyasının sədri Jan Ping Azərbaycana təşəkkür məktubu ünvanlamışdır.

J.Ping məktubunda Afrika İttifaqı adından Somalidəki humanitar fəlakətin aradan qaldırılması üçün ölkəmizin Somali xalqına etdiyi maliyyə yardımına görə Azərbaycan Prezidenti İlham Əliyevə, Azərbaycan hökumətinə və bütün xalqımıza səmimi təşəkkürünü bildirir.

Azərbaycan.- 2011.-20 avqust.- S. 1.