Gənc Azərbaycan musiqiçiləri Bolqarıstanda beynəlxalq müsabiqənin qalibi olmuşlar

Bolqarıstanın Stara-Zaqora şəhərində nəfəs alətlərinin gənc ifaçılarının VI Beynəlxalq müsabiqəsi keçirilmişdir.

AzərTAc xəbər verir ki, müsabiqədə Üzeyir Hacıbəyli adına Bakı Musiqi Akademiyasının nəzdində orta ixtisas musiqi məktəb-studiyasının şagirdi Ənvər Kərimov və Leopold və Mstislav Rostropoviçlər adına 21 nömrəli uşaq musiqi məktəbinin şagirdləri Nəcəf Vəliyev və İsrafil Rəsulov iştirak etmişlər. Kiçik, orta və böyük yaş qruplarında birinci yeri tutan gənc musiqiçilərimiz beynəlxalq müsabiqənin laureatı olmuşlar.

Azərbaycan.- 2011.- 2 dekabr.- S. 6.