Dunya MİYATOVİÇ: «Fransa parlamentinin qəbul etdiyi qanun

söz və fakir azadlığına dair beynəlxalq standartlarla

ziddiyyət təşkil edir»

ATƏT-in söz və media azadlığı üzrə nümayəndəsi Dunya Miyatoviç Fransa parlamentinin aşağı palatasının qondarma "erməni soyqırımı"nı inkar edənlərin cinayət məsuliyyətinə cəlb edilməsini nəzərdə tutan qanun qəbul etməsindən narahatlıq ifadə edib.

APA-nın məlumatına görə, Dunya Miyatoviç bildirib ki, bu qanun dəyişikliklərinin qəbulu söz və fikir azadlığına dair beynəlxalq standartları ilə ziddiyyət təşkil edir.

"Bundan başqa bu addım beynəlxalq səviyyədə ictimai debatların kriminallaşmasına dair presedent yarada bilər. Debatların kriminallaşması - istər tarixi hadisələr, istər hansısa millətin faciəli anları ilə bağlı yalan ittihamlar olsun - ATƏT üzvü ölkələrdə insanlar, cəmiyyətlər və hakimiyyətlər arasında qarşılıqlı anlaşmaya müsbət təsir göstərmir".

Dunya Miyatoviç bildirib ki, Fransada bu qanunun qəbulu digər ölkələri də analoji addımlar atmağa vadar edə bilər və dövlətlər ATƏT qarşısında götürdükləri öhdəlikləri pozmaqla tarixlə bağlı bəyanatlara görə cinayət məsuliyyəti tətbiq edə bilərlər.

Azərbaycan.-2011.-24 dekabr.-S.8.