Beynəlxalq Qara Dəniz Universitetinin prorektoru Azərbaycan Diplomatik Akademiyasında olmuşdur

Ölkəmizdə səfərdə olan Gürcüstan Prezidenti Mixeil Saakaşvilinin anası, Beynəlxalq Qara Dəniz Universitetinin prorektoru professor Giuli Alasaniya fevralın 3-də Azərbaycan Diplomatik Akademiyasında (ADA) xarici işlər nazirinin müavini, bu təhsil ocağının rektoru Hafiz Paşayev ilə görüşmüşdür.

ADA-nın mətbuat xidmətindən AzərTAc-a bildirmişlər ki, Hafiz Paşayev qonağa akademiyanın magistr və bakalavr proqramları, genişlənməkdə olan kitabxanası, müxtəlif istiqamətlərdə aparılan elmi araşdırmaları barədə ətraflı məlumat vermişdir.

G.Alasaniya Beynəlxalq Qara Dəniz Universitetinin ADA ilə əməkdaşlıqda maraqlı olduğunu bildirmişdir.

Qonaq həmçinin tələbə və müəllim heyəti qarşısında "Azərbaycan, Gürcüstan və Türkiyənin mədəni-tarixi əlaqələri" mövzusunda məruzə ilə çıxış etmiş, üç xalqın zəngin tarixi-mədəni əlaqələrindən danışmışdır.

Azərbaycan.- 2011.- 4 fevral.- S. 3.