Gürcüstan hər zaman Azərbaycanın dəstəyini hiss edir
Dünən Milli Məclis Sədrinin müavini Bahar Muradova Azərbaycanda səfərdə olan Gürcüstan Universitetinin
Himayədarlar Şurasının
sədri, Qafqaz Dostluq Evinin rəhbəri xanım Giuli Alasaniya ilə görüşmüşdür.
Qonağı Azərbaycanda görməkdən
məmnunluq ifadə edən və parlament rəhbərliyi adından salamlayan Milli Məclis Sədrinin müavini bildirdi ki, Azərbaycanla
Gürcüstan arasındakı
dostluq əlaqələrinin
qədim tarixi var: "Əlbəttə,
ölkələrimiz arasında
əlaqələrin tarixi,
bu günü və gələcəyi barədə
çox söz söyləmək mümkündür.
Ümumi şəkildə
ifadə edilsə, Azərbaycanla Gürcüstan
dost, qardaş və strateji tərəfdaşlığa malik
ölkələrdir".
Bahar Muradova qeyd etdi ki,
xalqlarımız, dövlətlərimizin
başçıları və
onların xanımları
arasındakı münasibətlərin
yüksək səviyyədə
olması ölkələrimizə
strateji hədəflərinə
çatmaq üçün
geniş imkanlar yaradır: "Parlamentlərimiz
də əlaqələrimizin
genişlənməsinə özünəməxsus töhfələr
verir. Deputatlarımız,
eləcə də ölkələrimizin digər
təmsilçiəlri BMT, AŞ PA,
ATƏT PA, NATO və digər
nüfuzlu beynəlxalq
təşkilatlarda eyni
mövqedən çıxış
edirlər". Onun sözlərinə
görə, bu və digər tərəfdaşlıq münasibətləri
bir daha sübut edir ki, Azərbaycan və Gürcüstan arasındakı əlaqələr
konkret zamana, hədəfə, məqsədə
yox, uzunmüddətli
əməkdaşlıq strategiyasına
söykənib.
Milli Məclis Sədrinin müavini bildirdi ki, ölkələrimizin
parlamentlərarası, mədəni
və humanitar, eləcə də digər sahələrdə
olan əlaqələri
qonşu dövlətlər
üçün nümunə
ola bilər.
Görüş üçün təşəkkürünü bildirən qonaq da Gürcüstan və Azərbaycanın daim yaxın dost ölkələr olduğunu diqqətə çatdırdı. O, ölkəsinin
hər zaman Azərbaycanın dəstəyini
hiss etdiyini xüsusi qeyd etdi və buna
görə minnətdarlığını
bildirdi. Gürcüstanın
da hər zaman Azərbaycana dəstək göstərdiyini
vurğuladı.
Görüşdə ölkələrimiz
arasında elm, təhsil, mədəni əlaqələrin inkişaf
perspektivləri, Cənubi
Qafqazdakı vəziyyət
və digər məsələlər ətrafında
geniş fikir mübadiləsi aparıldı.
Azərbaycan.- 2011.-5 fevral.- S. 2.