Strateji Araşdırmalar Mərkəzinin sosial şəbəkələrdə səhifələri açılmışdır

Azərbaycan Respublikasının Prezidenti yanında Strateji Araşdırmalar Mərkəzinin (SAM) "Facebook" və "Twitter" sosial şəbəkələrində səhifələri açılmışdır.

Mərkəzdən AzərTAc-a verilən məlumatda bildirilir ki, son zamanlar sosial şəbəkələr insanların gündəlik həyat tərzinin və qlobal məkanın ayrılmaz tərkib hissəsinə çevrilmişdir. Azərbaycanda da "Facebook" və "Twitter" kimi sosial şəbəkələrinin istifadəçiləri xeyli artmışdır. Məhz bu şəbəkələr vasitəsilə ən müxtəlif məlumatları tez və operativ şəkildə əldə etmək və eyni zamanda yaymaq mümkündür. SAM-ın adıçəkilən qlobal informasiya şəbəkələrinə üzv olmaqda məqsədi mərkəzin fəaliyyəti - son elmi araşdırmaları, yeni nəşrləri, beynəlxalq tədbirləri, əhəmiyyətli layihələri haqqında ölkə və dünya ictimaiyyətini məlumatlandırmaq, onlarla aktual yerli və beynəlxalq ictimai-siyasi proseslərə dair ekspert rəyləri bölüşməkdir.

SAM-ın "Facebook" və "Twitter" səhifələrinə qatılmaq üçün www.facebook.com və www.twitter.com saytlarına daxil olmaq lazımdır.

Azərbaycan.- 2011.-5 fevral.- S. 1.