Azərbaycan filmləri son beş ildə 90-dan çox kinofestivalda nümayiş olunmuşdur

Son beş ildə dövlət sifarişi ilə 23 tammetrajlı film çəkilmiş, bu müddətdə ekranlaşdırılmış qısametrajlı bədii filmlərin sayı isə 20-yə çatmışdır.

Mədəniyyət və Turizm Nazirliyindən AzərTAc-a bildirmişlər ki, həmin ekran əsərlərinin böyük əksəriyyəti "Bu meydan, bu ekran" kino layihələri müsabiqəsi çərçivəsində çəkilmişdir. Bu müsabiqənin qalibi olan filmlər 28 ölkədə keçirilmiş 46 beynəlxalq kinofestival müsabiqəsində müxtəlif nominasiyalar üzrə mükafatlar qazanmışdır.

Ümumiyyətlə, son 5 ildə filmlərimiz 40-a yaxın ölkədə 90-dan artıq kinofestivalda nümayiş olunmuşdur.

Nazirlər Kabinetinin qərarı ilə təsdiq edilmiş "Filmlərin yayımı və nümayişi qaydaları"na uyğun olaraq Filmlərin Dövlət Reyestri yaradılmış və son beş ildə 9 mindən artıq film qeydə alınmışdır.

Azərbaycan.- 2011.- 19 fevral.- S. 7.