"Ana dilimizi sevək, sevdirək"

Gənc Tamaşaçılar Teatrında Təhsil Nazirliyi və "Çağ" Öyrətim İşlətmələri Azərbaycan Türkiyə özəl liseyləri tərəfındən "Ana dilimizi sevek, sevdirək" müsabiqəsi keçirildi.

Tədbirdə təhsil nazirinin müavini Elmar Qasımov ulu öndərin Azərbaycan dilinə verdiyi böyük töhfələrdən söhbət açdı. Azərbaycan türk özəl liseyi, "Çağ" öyrətimin rəhbəri Arif Gömləksiz müsabiqənin önəmindən danışdı. Müsabiqə üç turdan ibarət idi. Öncə bütün kateqoriyalardan qeydiyyatdan keçən şagirdlər arasında bir seçim keçirilir ve hər katiqoriyanın qalibi müəyyənləşdirilir. Bakıda keçirilən ikinci turda inşa, qrammatika, internet səhifəsi hazırlamaq kateqoriyalarının fınalı, mahnı və şeirin isə yarımfinalı keçirilir və ən yaxşı beş mahnı, beş şeir finala vəsiqə qazanır. Sonda isə mahnı və şeir kateqoriyaları üzrə fınal keçirilir və münsiflər heyətinin qərarına əsasən qaliblər müəyyənləşir. Səkkizinci dəfə baş tutan bu müsabiqədə əsas məqsəd ana dilimizi ən təkmil, mükəmməl dil səviyyəsinə qaldırmaq, gələcək nəsillərə çatdırmaqda bir pay sahibi olmaqdır.

Tədbirdə mahnı və şeir üzrə final iştirakçılarının çıxışı dinlənildi. Qiymətləndirmə münsiflər heyəti tərəfındən aparıldı. Müsabiqənin şərtinə əsasən birinci yer - 350, ikinci yer - 250, üçüncü yer - 200 manat olmaqla qaliblər sertifikat, medal və başqa hədiyyələrlə mükafatlandınldı. Təltif edilmə mərasimində münsiflər heyeti Türkiyənin Azərbaycandakı səfiri Hülusu Kılınc tərəfindən mükafatlandıldı.

Ülviyyə VAHIDQIZI

Azərbaycan.- 2011.-22 fevral.- S. 12.