Emin Ağalarov Yaşıl Teatrda geniş konsert proqramı ilə çıxış etmişdir

Rusiyada yaşayan tanınmış azərbaycanlı müğənni-bəstəkar Emin Ağalarov Bakıdakı Yaşıl Teatrda möhtəşəm konsert proqramı ilə çıxış etmişdir.

AzərTAc xəbər verir ki, konsertdə Azərbaycan Prezidenti İlham Əliyevin qızları - Heydər Əliyev Fondunun vitse-prezidenti Leyla Əliyeva və Arzu Əliyeva, müğənninin ailə üzvləri, eyni zamanda mədəniyyət xadimləri iştirak etmişlər.

Emin Ağalarov konsertə "Just For One Night" kompozisiyası ilə başlamış və ardınca yeni "Wonder" albomundan mahnı və aranjimanları, hit və kompozisiyaları bir-birindən gözəl səhnə tərtibatı və özünəməxsus ifa tərzi ilə dinləyicilərə çatdırmışdır.

Müğənni gecədə məşhur rejissor Fil Qriffinin çəkdiyi "Falling", "Any Time You Fall", "Just For One Night" və "Wonder" kliplərinin təqdimatını da etmişdir.

"Mən bir çox şəhərlərdə çıxış edirəm. Amma Bakıdakı konsertlər mənim həyatımda ən vacibləridir", - deyən sənətkar bütün iştirakçılara xoş anlar bəxş etmişdir.

Azərbaycan.- 2011.- 9 iyul.- S.8.