Türkiyə Ermənistan-Azərbaycan, Dağlıq Qarabağ münaqişəsinin razılaşdırılan prinsiplər əsasında həll edilməsinin tərəfdarıdır

Türkiyə Dağlıq Qarabağ münaqişəsinin razılaşdırılan prinsiplər əsasında həll edilməsinin tərəfdarıdır. AzərTAc xəbər verir ki, bu fikirləri Türkiyə Prezidenti Abdullah Gül jurnalistlərə açıqlamasında bildirmişdir.

O qeyd etmişdir ki, bu istiqamətdə bütün dünya dövlətləri, beynəlxalq təşkilatlar səylərini artırmalıdır. Qafqazda sülhü bərqərar etmək üçün Ermənistan-Azərbaycan, Dağlıq Qarabağ münaqişəsinin beynəlxalq hüquq prinsipləri çərçivəsində həlli vacibdir. Eyni bölgədəki ölkələr arasında dostluq münasibətləri olmalıdır. Bu münasibətlərin yaradılması üçün isə işğal altındakı torpaqlar azad edilməli, qaçqınlar doğma yurdlarına qayıtmalıdırlar.

Azərbaycan.-2011.-23 iyul.-S.1.