Qəbələ
III Beynəlxalq Musiqi Festivalı çərçivəsində
kamera musiqisi konserti və orkestrin
çıxışı olmuşdur
Heydər Əliyev
Fondunun təşkil etdiyi
Qəbələ III Beynəlxalq Musiqi
Festivalı çərçivəsində kamera
musiqisi konserti və orkestrin çıxışı olmuşdur. İyulun 24-də
"Qafqaz Resorte"
hotelində keçirilən konsertin ilk hissəsində romantik
dövrün məşhur alman
bəstəkarları Yohans Bramsın və
Rixard Ştrausun əsərləri
səsləndirilmişdir. Konsertin ikinci hissəsində isə Üzeyir
Hacıbəyli adına Azərbaycan Dövlət Simfonik Orkestrinin konserti olmuşdur. Orkestrə
bədii rəhbər, xalq artisti
Rauf Abdullayev dirijorluq etmişdir.
Konsertdə xalq
artisti Arif Məlikovun,
xalq artisti Musa Mirzəyevin, Ceyhun Allahverdiyevin, eləcə də gənc bəstəkarlar
Ayaz Qəmbərlinin və Pikə Axundovanın
əsərləri səsləndirilmişdir. Konsertlərdə
pianoçular - Ü.Hacıbəyli
adına Bakı Musiqi Akademiyasının prorektoru, professor Yeganə
Axundova, həmin təhsil
ocağının dosenti Ceyhun
Allahverdiyev, Bakı Musiqi
Akademiyasının və A.Zeynallı adına Musiqi
Kollecinin baş müəllimi
İlahə Sadıxzadə, gənc pianoçu
Pikə Axundova, rusiyalı pianoçu
Nina Koqan, Azərbaycan
Dövlət Opera və
Balet Teatrının solisti
Fəridə Məmmədova, İngiltərənin məşhur
Şubert ansamblının
yaradıcısı Saymon Blendis,
London Motsart Players və Con Eliot Gardiners Orkestrinin solisti Judis Basbrik, İngiltərə
Milli Operasının və London Simfoniettasının solisti
Timoti Gill, həmçinin
dirijorlar - Bakı Musiqi
Akademiyasının müəllimləri, əməkdar
incəsənət xadimləri və Prezident
təqaüdçüləri Yalçın Adıgözəlov
və Fəxrəddin Kərimov iştirak
etmişlər.
Üç saatdan artıq davam edən
çıxışlar alqışlarla
qarşılanmışdır. Konserti
400-dən artıq yerli və xarici qonaq dinləmişdir.
AzərTAc
Azərbaycan.- 2011.- 26 iyul.- S. 7.