Azərbaycan
Respublikası və Serbiya Respublikası arasında 2011-ci il
iyunun 8-də Belqrad şəhərində imzalanmış sənədlər
haqqında
Azərbaycan Respublikası Prezidentinin
Fərmanı
Azərbaycan
Respublikası Konstitusiyasının 109-cu maddəsinin 32-ci bəndini
rəhbər tutaraq qərara alıram:
1. Azərbaycan
Respublikası və Serbiya Respublikası arasında 2011-ci il
iyunun 8-də Bakı şəhərində imzalanmış
aşağıdakı sənədlər təsdiq edilsin:
1.1. Azərbaycan
Respublikası Hökuməti və Serbiya Respublikası
Hökuməti arasında ətraf mühitin mühafizəsi
sahəsində əməkdaşlığa dair Saziş;
1.2. Azərbaycan
Respublikası Hökuməti və Serbiya Respublikası
Hökuməti arasında mədəniyyət sahəsində əməkdaşlıq
haqqında Saziş;
1.3. Azərbaycan
Respublikasının Təhsil Nazirliyi və Serbiya
Respublikasının Elm və Təhsil Nazirliyi arasında təhsil
sahəsində əməkdaşlıq haqqında Saziş;
1.4. Azərbaycan
Respublikasının Gənclər və İdman Nazirliyi və
Serbiya Respublikasının Gənclər və İdman
Nazirliyi arasında gənclərlə iş və idman sahəsində
əməkdaşlıq haqqında Saziş;
1.5. Azərbaycan Respublikasının Kənd Təsərrüfatı Nazirliyi və Serbiya Respublikasının Kənd Təsərrüfatı, Ticarət, Meşəçilik və Su Təsərrüfatı Nazirliyi arasında əməkdaşlıq haqqında Anlaşma Memorandumu;
1.6. Azərbaycan Respublikasının Mədəniyyət və Turizm Nazirliyi və Serbiya Respublikasının İqtisadiyyat və Regional İnkişaf Nazirliyi arasında turizm sahəsində əməkdaşlıq haqqında Anlaşma Memorandumu;
1.7. Azərbaycan Respublikasının Nəqliyyat Nazirliyi və Serbiya Respublikasının İnfrastruktur və Energetika Nazirliyi arasında nəqliyyat sahəsində əməkdaşlıq haqqında Memorandum;
1.8. Azərbaycan Respublikasının Sənaye və Energetika Nazirliyi və Serbiya Respublikasının İnfrastruktur və Energetika Nazirliyi arasında energetika sahəsində əməkdaşlığa dair Anlaşma Memorandumu;
1.9. Azərbaycan Respublikasının Dövlət Mülki Aviasiya Administrasiyası və Serbiya Respublikasının Mülki Aviasiya Müdiriyyəti arasında Anlaşma Memorandumu.
2. Azərbaycan Respublikasının Nazirlər Kabineti bu fərmanın 1.1-1.9-cu bəndlərində göstərilən sənədlərin müddəalarının həyata keçirilməsi üçün zəruri tədbirlər görsün.
3. Azərbaycan Respublikasının Xarici İşlər Nazirliyi həmin sənədlərin qüvvəyə minməsi üçün zəruri olan dövlətdaxili prosedurların yerinə yetirildiyi barədə Serbiya Respublikası tərəfini xəbərdar etsin.
İlham ƏLİYEV,
Azərbaycan
Respublikasının Prezidenti
Bakı şəhəri,
27 iyul 2011-ci il
Azərbaycan.- 2011.-29 iyul.- S. 2.