Martin Benrott: "Azərbaycanın hava nəqliyyatı getdikcə inkişaf edir"

Gələn il ABŞ-ın "Boeing" korporasiyası Azərbaycanı bir neçə yeni təyyarə ilə təchiz edəcək. "Boeing"in Bakıda səfərdə olan vitse-prezidenti Martin Benrott bildirib ki, Azərbaycanla "Boeing" korporasiyası arasında 10 illik əməkdaşlıq mövcuddur.

Şirkət iyunun 2-də Azərbaycana "Boeing 767-300ER" sərnişin avialaynerini təhvil verib. "Azərbaycanın hava nəqliyyatı getdikcə inkişaf edir. Biz AZAL-a 2012-ci ildə bir neçə yeni avialayner göndərəcəyik ki, onların sırasında "Boeing-787", "Boeing-767", "Boeing-737" kimi sərnişin və yük təyyarələri olacaq. Eyni zamanda gələcəkdə Azərbaycanı "Boeing-787 Dreamliner" təyyarəsi ilə də təchiz edəcəyik" - deyə M.Benrott qeyd edib.

Xatırladaq ki, AZAL ilə "Boeing" şirkəti arasında müqavilə imzalanıb və sənədə əsasən, AZAL aldığı 2 "Boeing 737 Next-Generation" təyyarəsini 1 "Boeing 767-300ER" və 2 "Boeing-767" (yük təyyarəsi) avialaynerlərinə dəyişəcək. Ümumiyyətlə, AZAL "Boeing"dən müqavilə əsasında dəyişdirilənlər də daxil olmaqla 8 təyyarə alacaq. Bunlardan 2-si "Boeing-767-300ER", 2-si "Boeing-767" yük təyyarəsi, 2-si "Boeing-737" və 2-si "Boeing-787-8" avialaynerləridir

Azərbaycan.- 2011.- 5 iyun.- S. 3.