Şair Ağa Laçınlının əlyazmaları Azərbaycan Dövlət Ədəbiyyat və İncəsənət arxivinə verilmişdir

Tanınmış şair və alim Ağa Laçınlının əlyazmalarının bir hissəsi (şeir, poema) Salman Mümtaz adına Azərbaycan Dövlət Ədəbiyyat və İncəsənət Arxivinə təqdim olunmuşdur.

Arxivin direktoru Maarif Teymurov AzərTAc-a bildirmişdir ki, 2007-ci ildə dünyasını dəyişmiş A.Laçınlının sənədləri övladları tərəfindən təqdim edilmişdir. Arxivdə sistemləşdiriləcək bu əlyazmalar Ağa Laçınlının gələcək tədqiqatçıları üçün ən dəyərli mənbə olacaqdır.

Qeyd edək ki, 1940-cı il mayın 5-də Laçın rayonunun Oğuldərə kəndində anadan olmuş A.Laçınlı 12 yaşından şeirlər yazmışdır. Onun zəngin yaradıcılığı daim ədəbiyyatsevərlər tərəfindən yüksək qiymətləndirilmişdir.

Azərbaycan.- 2011.- 10 iyun.- S. 8.