Elm adamlarına daha bir qayğı

Dövlət başçısına minnətdarlıq

Möhtərəm Prezident!

Ümummilli lider Heydər Əliyevin "Azərbaycan xalqının milli sərvəti" adlandırdığı Bakı Dövlət Universitetinin böyük kollektivi yaş həddinin ali təhsil müəssisələrinə şamil edilməməsi ilə bağlı qəbul etdiyiniz müdrik qərarı böyük sevinclə qarşılamışdır.

Elm və təhsilə göstərdiyiniz tükənməz qayğının daha bir təzahürü olan bu qərarınız Azərbaycan elminin və təhsilinin inkişafına Sizin növbəti töhfənizdir. Biz bu müdrik qərarı Sizin Elm Fondunun yaranması ilə bağlı qəbul etdiyiniz və Azərbaycan elminin sistemli inkişafına yeni təkan vermiş sərəncamınızla eyni səviyyədə yüksək hesab edirik. Çünki həmin qərarla Siz Azərbaycan elminin təşəkkülü və yeni impulslarla inkişafı üçün Elm Fondunun yaranmasını vacib amil hesab etdiyiniz kimi, bu qərarla da Azərbaycan elm və təhsil fondunun qorunub saxlanmasına zəmanət yaratmısınız. Ötən əsrin 80-ci illərinin sonu, 90-cı illərin əvvəllərində mövcud tarixi şəraitlə bağlı Azərbaycanda elm estafetinin qırılması təhlükəsinin yaranması, Azərbaycan alimlərinin kütləvi şəkildə ölkədən getməsi, yeni nəslin elmlə məşğul olmaq maraqlarının və bu sahəni inkişaf etdirmək üçün stimulun azalması və digər səbəblər bu gün alimlərimizin yaş həddinin bir qədər yuxarı olması ilə nəticələnmişdir.

Siz çox müdrikcəsinə qeyd etmişdiniz ki, alimlərimiz Azərbaycanın inkişafına müxtəlif dövrlərdə dəyərli töhfələrini vermişlər. Azərbaycan müstəqilliyə qovuşanda isə müxtəlif fikirlər var idi. Hətta 1992-ci ildə Elmlər Akademiyasının ləğvi barədə, bağlanması haqqında təkliflər irəli sürülmüşdür. Əgər 1993-cü ildə ulu öndər Heydər Əliyev xalqın tələbi ilə Azərbaycanda siyasi hakimiyyətə qayıtmasaydı, yəqin ki, Elmlər Akademiyasının taleyi çox acınacaqlı ola bilərdi. Məhz ümummilli lider Heydər Əliyevin Azərbaycan elminə bütün dövrlərdə göstərdiyi diqqət və qayğı nəticəsində elmin inkişafı sürətlə aparılırdı. Müstəqil yaşamağa başlayanda, əlbəttə ki, ölkədə mövcud olan ciddi iqtisadi və sosial məsələlər gündəliyin birinci sıralarında idi. Ancaq bununla bərabər, ulu öndər Heydər Əliyev Azərbaycanın gələcəyini düşünərək və uzaqgörənliklə, müdrikliklə bütün dövrlərdə, o cümlədən müstəqillik dövründə elmin inkişafına çox böyük diqqət göstərmişdir.

Sizin qayğınız yalnız Azərbaycan təhsilinə deyil, bütövlükdə elmimizə, xüsusən, Azərbaycan ziyalılığına ünvanlanmışdır. Gənclərin böyük dostu, onların himayədarı hesab edilsənizdə, bu addımınız bir daha göstərdi ki, Siz bütün Azərbaycan xalqının, hər bir vətəndaşın Prezidentisiniz.

Bu müdrikliyinizə, xeyirxahlığınıza, uzaqgörənliyinizə, ziyalılığa verdiyiniz dəyərə görə bir daha Sizə təşəkkürümüzü bildirir, Azərbaycan ziyalılarının səmimi minnətdarlığını çatdırırıq.

Sizi əmin edirik ki, ulu öndər Heydər Əliyevin hərtərəfli qayğısı və bilavasitə himayəsi ilə böyük inkişaf yolu keçmiş və Sizin qayğınızla dünyanın qabaqcıl təhsil ocaqları sırasında irəliləyən Bakı Dövlət Universiteti bundan sonra da var gücü ilə fəaliyyət göstərəcək, elmin və təhsilin səviyyəsinin yüksəldilməsi üçün əlindən gələni edəcək, dövlətin və dövlətçiliyin etibarlı sosial dayağı olacaqdır.

Möhtərəm Prezident!

Sizin rəhbərliyinizlə elmi cəhətdən əsaslandırılmış və böyük uğurla həyata keçirilən müasir idarəetmənin Azərbaycan modelinin respublikamıza gətirdiyi iqtisadi potensialın intellekt kapitalına çevrilməsi istiqamətində gördüyünüz əməli tədbirlər silsiləsində bu qərar xüsusi əhəmiyyət kəsb edir. Gördüyünüz nəcib işlərin nəticəsində Sizə xalqın böyük məhəbbət və rəğbətini hər gün hiss edən Bakı Dövlət Universitetinin kollektivi müstəqil Azərbaycanın xoşbəxt gələcəyi naminə ulu öndər Heydər Əliyevin siyasi kursunun həyata keçirilməsində gördüyünüz titanik işlərdə Sizə yeni uğurlar arzulayır.

BDU-nun kollektivi adından:

Böyük hörmətlə,

Akademik Məhərrəmov Abel Məmmədəli oğlu

Akademik Əsgərov Bəhram Mehralı oğlu

Akademik Məmmədəliyev Vasim Məmmədəli oğlu

Akademik Allahverdiyev Cəlal Eyvaz oğlu

Akademik Əliyev Fikrət Əhmədalı oğlu

AMEA-nın müxbir üzvü Mehdiyev Məhəmməd Fərman oğlu

AMEA-nın müxbir üzvü Əliyeva Rəfiqə Əlirza qızı

AMEA-nın müxbir üzvü Babazadə Vasif Məmmədağa oğlu

AMEA-nın müxbir üzvü Hacıyev Tofiq İsmayıl oğlu

AMEA-nın müxbir üzvü Nəbiyev Azad Mövlud oğlu

AMEA-nın müxbir üzvü Hacıyev Sabir Abdulmanaf oğlu

AMEA-nın müxbir üzvü Məlikova Məsumə Fazil qızı

AMEA-nın müxbir üzvü Hüseynov Rəhim Əyyub oğlu

AMEA-nın müxbir üzvü Muxtarov Abdulla İbrahim oğlu

AMEA-nın müxbir üzvü Cəfərov Nizami Qulu oğlu

AMEA-nın müxbir üzvü Mahmudov Yaqub Mikayıl oğlu

AMEA-nın müxbir üzvü Hacıyev Asəf Hacı oğlu

AMEA-nın müxbir üzvü Əliyev Bəxtiyar Həmzə oğlu

AMEA-nın müxbir üzvü Tahirov Vladimir İsmayıl oğlu

Professor Bayramov Musa Rza oğlu

Professor Quliyev Akif Ələkbər oğlu

Professor Əliyev Əli Ələkbər oğlu

Professor Qasımov Nemət Abbas oğlu

Professor Müseyibov Müseyib Ağababa oğlu

Professor Göyçayski Şövqisəfa Yusifziya oğlu

Professor Xələfov Abuzər Alı oğlu

Professor İmanov Həmid Rza oğlu

Professor Vəliyev Tofiq Talış oğlu

Professor Mustafayev Qara Teyfur oğlu

Professor Mütəllimov Təhsin Mustafa oğlu

Professor Bayramov Əkbər Salman oğlu

Professor Seyidov Yusif Mirəhməd oğlu

Professor Xəlilov Pənah İmran oğlu

Professor Xudaverdiyev Karlen İsgəndər oğlu

Professor Namazov Qara Mustafa oğlu

Professor Nəcəfov İsmət Məhəmməd oğlu

Professor Təhmasib Cəmilə Abbasqulu qızı

Professor Əliyeva İfrat Səlim qızı

Professor İbrahimov Ağavəli Şavəli oğlu

Professor Əkbərov Oqtay Hümmət oğlu

Professor Abdullayev Sadiq Kərim oğlu

Professor İsmayılzadə Qüdrət Seyfullah oğlu

Professor Quliyeva Lalə Hüseyn qızı

Professor Quluzadə Cəfər Müseyib oğlu

Professor Məhərrəmov Məhərrəm Nəcəf oğlu

Professor Nağıyev Cəlil Qərib oğlu

Professor Nəsirova Tamila Hilal qızı

Professor Rəcəbli Əbülfəz Əjdər oğlu

Professor Rəhimov Mirzə Şıxəli oğlu

Professor Salmanov Vaqif Müseyib oğlu

Professor Süleymanov Nadir Məhəmməd oğlu

Professor Sarıcalinskaya Kəmalə Qiyas qızı

Professor Səməndərov Firudin Yusif oğlu

Cəmi: 157 imza

Azərbaycan.- 2011.-11 iyun.- S. 3.