Azərbaycan hərbçiləri Çində keçirilən “Milli hərbi təhlükəsizlik və idarəetmə kursu”nda iştirak edirlər

Martın 1-də Çin Xalq Respublikasının (ÇXR) Pekin şəhərində “Milli Hərbi Təhlükəsizlik və idarəetmə kursu” başlamışdır.

Müdafiə Nazirliyinin mətbuat xidmətindən AzərTAc-a bildirmişlər ki, eyni vaxtda Çinin Şiçzyaçjuan şəhərində Xüsusi təyinatlı bölmə komandirləri kursu keçirilir.

Azərbaycan hərbçilərinin də iştirak etdiyi kurslar iyunun 30-dək davam edəcəkdir.

Silahlı Qüvvələrimizin nümayəndələri kurslarda Azərbaycan-Çin ikitərəfli əməkdaşlıq proqramına əsasən iştirak edirlər.

Azərbaycan.- 2011.-3 mart.- S.3.