Milli Məclisin Mədəniyyət komitəsinin iclası keçirilmişdir

 

Martın 4-də Milli Məclisin Mədəniyyət komitəsinin iclası keçirilmişdir.

AzərTAc xəbər verir ki, iclasda "İctimai Televiziya Radio Yayımları Şirkəti Yayım Şurasının üzvlüyünə namizədlikləri irəli sürülmüş şəxslərin təyin edilməsi barədə" məsələyə baxılmışdır.

Komitənin sədri Nizami Cəfərov demişdir ki, "İctimai televiziya radio yayımı haqqında" Qanuna uyğun olaraq İctimai Televiziya Radio Yayımları Şirkətinin Yayım Şurasına Azərbaycan Həmkarlar İttifaqları Konfederasiyası, Milli Elmlər Akademiyası Mətbuat Şurası tərəfindən irəli sürülmüş namizədlərin 6 illik səlahiyyət müddəti bu il martın 15-də başa çatır. Yeni namizədlərin irəli sürülməsi ilə bağlı Həmkarlar İttifaqları Konfederasiyasından sədr müavini Aqil Dadaşov, şöbə müdirinin müavini Əli Cəfərov, Milli Elmlər Akademiyasından Folklor İnstitutunun şöbə müdiri Muxtar İmanov, Mətbuat Şurasından Bakı Dövlət Universitetinin jurnalistika fakültəsinin professoru Cahangir Məmmədli, həmin fakültənin dosenti Zaur Babayev Yayım Şurasına yeni namizəd kimi irəli sürülmüşlər. Hər təşkilatdan bir nəfər olmaqla bu namizədlər 6 il müddətinə Yayım Şurasına təsdiqlənməlidir.

Müzakirələr zamanı deputatlar hər bir namizədin Yayım Şurasında təmsil olunmağa layiqli olduğunu vurğulamışlar. Sonda məsələ baxılmaq üçün parlamentin ümumi iclasına tövsiyə olunmuşdur.

İclasda komitə sədrinin müavini Rəfael Hüseynovun hazırladığı "Azərbaycanda muğam sənətinin qorunması inkişafı haqqında" yeni qanun layihəsinə baxılmışdır. Qeyd edilmişdir ki, növbəti mərhələdə aşıq sənəti, yazılı abidələr heykəllər haqqında yeni qanun layihələri hazırlanacaqdır.

 

 

Azərbaycan.- 2011.-5 mart.- S. 3.