Fələstinin Azərbaycandakı səfiri AzərTAc-da olmuşdur

Fələstinin Azərbaycandakı səfiri Nasir Əbdülkərim Əbdürrəhman martın 18-də Azərbaycan Dövlət Teleqraf Agentliyi - AzərTAc-da olmuşdur. Görüşdə Azərbaycan və Fələstin xalqları arasındakı tarixi, mədəni əlaqələrdən söhbət açılmışdır.

AzərTAc-da olmağından məmnunluğunu ifadə edən səfir xalqlarımız arasında münasibətlərin daha da inkişafında informasiya sahəsində əməkdaşlığın əhəmiyyətini vurğulamışdır. Diplomat Fələstinin xəbər agentliyi ilə AzərTAc arasında əlaqələrin qurulması təklifi ilə çıxış etmişdir.

Görüşdən sonra səfir AzərTAc-ın iş şəraiti və struktur bölmələrinin fəaliyyəti ilə yaxından tanış olmuşdur.

Azərbaycan.- 2011.-19 mart.- S. 5.