"Eurovision-2011" mahnı müsabiqəsinin qalibləri Vətənə qayıtmışlar

"Eurovision-2011" mahnı müsabiqəsinin qalibləri Eldar Qasımov və Nigar Camal mayın 16-da səhərə yaxın doğma Vətənə - Azərbaycana qayıtmışlar.

AzərTAc xəbər verir ki, Heydər Əliyev Beynəlxalq Aeroportunda nüfuzlu musiqi yarışmasının qaliblərini təntənə ilə qarşılamışlar.

Təmsilçilərimizin Bakıya gəlişi bayrama çevrilmişdir. Mədəniyyət və Turizm, Gənclər və İdman nazirliklərinin, İctimai Televiziyanın nümayəndələri, jurnalistlər, çoxsaylı pərəstişkarlar, qaliblərin doğmaları və yaxınları onları gül-çiçək dəstələri ilə və musiqi sədaları altında qarşılamışlar.

Müsabiqədə Eldar Qasımov və Nigar Camal gözəl ifaları və möhtəşəm səhnə performansları ilə Azərbaycanı 43 Avropa ölkəsi arasında birinci sıraya yüksəltmişlər.

Azərbaycan.- 2011.-17 may.- S. 3.